شريف رمزي لوالدته في عيد ميلاها: «مفيش أم قدرت تعمل اللي عملتيه»
كتب: نسرين إبراهيم
حرص الفنان شريف رمزي، على تهنئة والدته بمناسبة عيد ميلادها، موجها لها رسالة حب وامتنان وشكر لدورها الكبير في حياته هو وشقيقه الأصغر صلاح، الذي يعاني من أزمة صحية شديدة أدخلته في غيبوبة.
ونشر شريف رمزي، عدة صور لوالدته وأخرى تجمعه بها وبشقيقه، عبر حسابها الرسمي على «إنستجرام»، وعلق عليها، قائلا: «كل واحد بيشوف أمه هي أهم وأحلي وأحسن أم في الدنيا، لكن بجد أمي دي هي أم استثنائية بكل المقاييس والكلام ده أنا بقوله وأقدر أقوله بناءً علي أفعال وأحداث ومواقف حصلت وبتحصل بالفعل قدامي وقدام الجميع من يوم ما إتولدنا أنا وصلاح أخويا لحد دلوقتي».
وأضاف: «معتقدش أن في أي أم في الدنيا قدرت تعمل وتقف ولا تحب ولادها بالشكل ده خصوصاً في الأحداث والظروف الاستثنائية اللي إحنا فيها دي».
وتابع: «أنا مهما قلت ومهما كتبت ومهما عبرت مش حقدر أوفي ولا أوصف ولا واحد في المائة من اللي هي بتعمله بمنتهي القوة والصلابة والحب والحنية والثبات كل سنة وإنتي طيبة يا أهم وأحلي وأجمل وأقوي ست في البشرية، بحبك أكتر من أي حاجة في حياتي».
View this post on Instagram
