تزامنًا مع عيد ميلادها.. لبلبة خلال تكريمها بمهرجان القاهرة السينمائي: «بشكر بلدي اللى اتربيت من خيرها»

ألقت النجمة لبلبة كلمة خلال تكريمها بحفل افتتاح مهرجان القاهرة السينمائي الدولي في دورته الـ 44، حيث أنها شكرت كل من دعمها خلال مسيرتها الفنية الطويلة الحافلة بالنجاحات الفنية.

مهرجان القاهرة السينمائي الدولي

وقالت لبلبة: «بشكر بلدي مصر اللى اتربيت من خيرها، وأشكر د.نيفين الكيلاني وزير الثقافة، وحسين فهمي رئيس مهرجان القاهرة، وأشكر جمهوري اللى شجعني وأنا طفلة وحتى اللحظة دى، وأشكر كل من عملت معهم أمام وخلف الكاميرا، وكل زملائي اللى فيه عشرة طويلة بينا وبحبهم وهما كمان بيحبوني».

اتربيت من خيرها

وأضافت: «دايما لما كنت ببص في الكواليس كنت بشوف والدتي اللى بتشجعني، مفيش مرة مكنتش واقفة خلف الكواليس لتدعيمي، وفي كل دورة من مهرجان القاهرة كانت تقولي أنتي هتتكرمي المرة دي لأنك أشتغلتي كتير، ولكن لم أكن أكرم، ودلوقتي أنا بحقق لها أمنية لها، وهيا مش موجودة وأنا بتكرم النهاردة».

اقرأ أيضا:  دموع نيللي كريم تسبقها لحظة تكريم كاملة أبوذكري في حفل...

عيد ميلاد لبلبة

وحكت موقف كشفت من خلاله أن التكريم الليلة يصادف مع عيد ميلادها، حيث قالت: والدتي وهيا حامل فيا كانت بتتفرج على فيلم في السينما، ولولا لحقولها بسرعة كنت نزلت من بطنها على الأرض، الليلة دي كانت يوم زى النهاردة 13 نوفمير لما أنا أتودلت.

ليقوم الجميع بعد تلك الكلمات للاحتفال بعيد ميلاد النجمة لبلبة، وصفق الحضور وقام بالغناء لها احتفالا بتلك المناسبة.