حسن الرداد: «إيمي قالتلي أنا بقيت بحبك قد الكلاب»
كتب: عزة عبد الحميد
حل الفنان حسن الرداد مساء أمس، ضيف ببرنامج «صاحبة السعادة»، مع الفنانة إسعاد يونس، عبر قناة dmc.
ونرصد خلال الأسطر التالية أبرز تصريحات حسن الرداد خلال الحلقة.
- ذهبت إلى معهد السينما بناء على رغبة والدي في استكمال حلمي وكنت أتمنى أن أفشل به.
- لا زلت أعيش حالة صدمة بعد وفاة والدتي العام الماضي، لدرجة إنكار حدوث الوفاة.
- أنا بعمل صدقات وأتبرع على روح أمي، لكن أكيد أقل من اللي المفروض أعمله، لإني مش مقتنع إن وفاتها حصلت.
- أمي وقفت ورايا في بدايتي وخلتني أمثل، لإن كان عندي انهيار بعد وفاة والدي وأخويا في نفس السنة، وكنت متعلق بوالدتي لدرجة إني أفضل أقعد معاها على إني أخرج أو أسافر مع أصحابي، وكانت صديقة دمها خفيف، لو رقصت في البيت ترقص معايا، وفي نفس الوقت هي صوت العقل.
- لما تعب سمير غانم ودخل المستشفى، كنت مش عارف أبص على الدور اللي مات فيه؛ لأنه نفس الدور اللي شهد وفاة أمي.
- لما اتجوزت إيمي شفت الكلاب قد إيه بيعتبرها اللي بيربيها واحد من عياله، زي ما شفت إيمي عاملة مع الكلاب والقطط، وبتأكلهم طول الوقت، وبعدها في مرة إيمي قالت لي واحنا قاعدين عارف يا حسن أنا بقيت بحبك قد الكلاب، فقلت لها ده مدح ولا ذم، قالتلي مدح طبعًا، ده أنا كنت بقول لبابا كده إن هو والكلاب أكتر حاجة بحبها في حياتي.
