نادية مصطفى لـ«العاصمة»: «أنا اللي رشحت حلمي بكر للتكريم قبل مصطفى كامل»

علّقت المطربة نادية مصطفى، على تكريم نقيب المهن الموسيقية مصطفى كامل، للموسيقار حلمي بكر، نقيبا شرفيا، أمس خلال حفل إعادة افتتاح نقابة المهن الموسيقية.

وقالت نادية، في تصريح خاص لـ«العاصمة»: «أنا عيطت بسبب تكريم حلمي بكر، وده شرف إنه يكون نقيب شرفي، وهو له تاريخ كبير ومكرم بحب الناس، والتكريم ده فرق كبير في نفسيته، وهو بيبكي دموعه غالية بجد، ربنا يخليه لينا، قبل ما مصطفى كامل يرشح نفسه كنت بقترح الموسيقار حلمي بكر لمقعد النقيب».

وحول رد مصطفى كامل لها بعد ترشيحها حلمي بكر: «معنديش مشكلة ولكن بالتزكية، وسألت الشؤون القانونية وقالولي مافيش كده لازم يكون فيه مرشحين، ليه محطة قادمة وأكيد هيتكرم في النقابة وهو صديق  لمصطفى كامل، وربنا يديه الصحة، وأي حد بيخاف على النقابة لأنها مسؤولية كبيرة وأمانة هيحاسب عليها».

واستكملت:« حلمي بكر بيخاف على الأصوات المحترمة إنها تندثر مع الأصوات المنتشرة حاليًا، وهو كتف في كتف مع مصطفى كامل وإن شاء الله الغنوة هتكون في حتة تانية بوجودهم.».