مع اقتراب حفل زفاف ابنتها.. شيرين رضا: «مش هتعمل فرح.. ومتربناش كده»
كتب: نسرين إبراهيم
كشفت الفنانة شيرين رضا، عن استعداد ابنتها نور عمرو دياب للزواج قربيًا ودخول القفص الذهبي، مؤكدة أنها لن تقيم حفل زفاف حيث لا تؤمن بذلك.
عمري ما لبست فستان فرح
وقالت شيرين رضا في لقاء مع et بالعربي: "احنا معندناش الأفراح.. احنا لا نؤمن بهذه الأشياء، أنا عمري ما لبست فستان فرح، لبست في التمثيل لكن في الحقيقة لا، كل واحد حر يعمل اللي هو عاوزة وهي وأنا مش كده متربناش كده.. دي أفكار شخصية أنا بشوف أن الحفلة الكبيرة فلوسها كتير أوي ليه هما ميستمتعوش بالحاجات دي أكتر من فستان الفرح والقاعة والمصاريف الكتير، كل دا علشان ليلة واحدة ياخدوا الفلوس دي يستمتعوا بيها".
عمري ما كنت عاوزة أعمل فرح
وأضافت: "هي مش عاوزة تعمل فرح وأنا عمري ما كنت عاوزة أعمل فرح، هشوف لسه الاحتفال إزاي المهم أن هي وجوزها وأهله وأهلها وأصدقائهم المقربين يفرحوا مش نعزم ناس شفناهم السنة اللي فاتت علشان ميزعلوش ويجوا وينتقدونا دا مش هيحصل".
وكانت آخر الأعمال التي شاركت بها شيرين رضا هي فيلم «تحت تهديد السلاح»، والذي تشارك فيه برفقة حسن الرداد ومي عمر وبيومي فؤاد وعمرو عبد الجليل و أحمد بدير ومن تأليف أيمن بهجت قمر وإخراج محمد حماقي.
View this post on Instagram
