نيللي كريم: الناس نقدها قاسي أوي

حلت الفنانة نيللي كريم ضيفة ببرنامج "أسرار النجوم"، المذاع عبر"نجوم إف أم"، مع الإعلامية إنجي علي.

وعبرت الفنانة نيللي كريم عن وضع السوشيال ميديا في حياة الفنانين حاليا، وقالت نيللي كريم خلال اللقاء: "بتضايق من الكلام الوحش على الفنانين، الفن دا حاجة عظيمة ومحترمة وجميلة، وأي مشكلة لفنان يكبروها، ليه الناس قاسية أوي في كلامها وألفاظها ضد الفنانين".

وأضافت:"الناس بقى نقدها قاسي أوي قبل ما حد يشوف العمل أو يفهمه، بيكون فيه نقد دمار وجحيم علينا، الفنان بيتعب علشان يطلع حلقة واحدة من المسلسل لازم تقدروا تعبنا وجهدنا، وبنقعد يومين من غير نوم احنا بنعيش في ظروف وحشة أثناء التصوير وممكن نصور في الصحراء، والريد كاربت ده آخر حاجة بنظهر فيه بعد مجهود طويل".

وعلى جانب آخر، تنتظر نيللي كريم عرض مسلسل "روز وليلى"، بالاشتراك مع يسرا ومن المقرر عرضه عبر منصة شاهد، وهي مكونة من 12 حلقة.