بعد القبض على شيرين.. بسمة وهبة: «كانت رايحة للقمة وحسام حبيب وداها للقاع»

علقت الإعلامية بسمة وهبة على ما تعرضت له الفنانة شيرين عبد الوهاب في لبنان من التحقيق معها حول زيارتها للمطرب اللبناني فضل شاكر، بسبب طلب مثوله للعدالة وخرقها للقوانين وزيارتها له.

وأشارت بسمة وهبة خلال برنامجها "90 دقيقة"، المذاع عبر فضائية المحور، قائلة :"شيرين وحسام عملوا كارثة لما زاروا فضل شاكر في لبنان.. إيه يا شيرين مفيش بجنيه واحد تفكير، أنتِ رايحة تعملي زيارة تزعل منك الشعب اللبناني والعربي، وكل محب لوطنه وكل ومحارب للإرهاب؟!، مجاش على بالك لحظة تفكير، وحسام مفكرلكيش لحظة يقولك لأ دا خطر على مستقبلك؟، مش أنت يا حسام مدير أعمالها والمسؤول عن تصرفاتها؟".

وأضافت، قائلة :"شيرين كانت رايحة تقابل شخصية عظيمة اسمها زياد الرحباني.. كانت رايحة للقمة أنت وديتها للقاع يا حسام، ليه يا شيرين سيبتي كل حاجة وروحتي تزوري فضل شاكر في المخيم؟!، دا كان أحلى من أنك تقابلي زياد الرحباني.. اشمعنا فضل شاكر الإرهابي.. معقولة أنتم طبييعين أنتِ وحسام؟".

واستكملت قائلة :"أنا زعلانة عشانك وزعلانة من حسام.. أنت قلت إن في ناس بتدمرها مين اللي بيدمرها النهاردة؟، فضل شاكر بقا إرهابي شارك جامعات متطرفة في القتل؟، ولحد اللحظة مدفعش ثمن، واللبناني لسه مسامحوش لأن يده ملوثه بالدماء، مخك كان فين بتزعلي جمهورك ليه، بتدمري نفسك ليه متستلميش لحد يمشيكي".

وانهت حديثها قائلة :"ين اللي منزل فيديوهات شيرين؟، أنت يا حسام اللي منزلها؟، أنت مدير أعمالها والمسؤول، أنت بتدمر شيرين، دا الفن ضد الإرهاب يا شيرين".