محمد رمضان: اتعلمت التمثيل من محمود حميدة.. وهو اللي اتمسك بيا

أُقيمت ندوة للفنان محمد رمضان على هامش تكريمه بمهرجان الأقصر للسينما الأفريقية، المقامة حاليا بمدينة الأقصر، وتحدث خلالها عن مشواره الفني والصعوبات التي واجهته.

وقال محمد رمضان خلال الندوة، سعيد بوجودي في مهرجان الأقصر، والفنان محمود حميدة ومجدي أحمد علي وهالة صدقي اتعلمت منهم الشغلانة وناس بيحبوا الفن حقيقي، والسيناريست سيد فؤاد عنده انتماء لشغله وأعرفه وأنا لسه بحبي وهو من الناس اللي مؤمنين بيا".

وأضاف محمد رمضان:" التمثيل غريزة، ولولا مسرح المدرسة عمري ما كنت هكتشف هذه الغريزة، وعمري ما كنت هعرف أعيش من غير ما أكون ممثل، ولقيت نفسي في المسرح".

وعن الصعوبات التي واجتهه في البداية، قال محمد رمضان:" كنت بسمع كلمة دايمًا سيب التمثيل لناسه، كنت بقول هما مين ناسه؟، كلمة ممثل معناها فرد بيمثل فئة وأنا ركبت قطر الصحافة، والممثل ده المفروض ركب أتوبيس وقعد على موتور ومر بالحاجات اللي الناس مرت بيها، وعنده ذاكرة انفعالية لبني آدمين حقيقين في الشارع هما دول اللي بناخد مخزونا منهم وبنقدمه على الشاشة".

واستطرد:" الفنان محمود حميدة والمنتج محمد العدل كانوا متمسكين بيا، وفكرت جنب الفن في فكرة التسويق وإزاي أكسب الناس وكل شوية فئة جديدة وتنوع جديد".