ميار الببلاوي تكشف تفاصيل تعرض ابنها لسرقة سيارته

كشفت الفنانة ميار الببلاوي، عن تفاصيل تعرض ابنها لسرقة سيارته الخاصة، وتمكن الشرطة من القبض على المتهمين بعد 24 ساعة من السرقة.

وكتبت ميار الببلاوي، عبر حسابها الرسمي على "فيسبوك"، قائلة: "من  3 أيام وأنا فى موال سرقة عربية ابنى وربنا عالم الخضه والقهرة اللى عيشتها أنا ومحمد بس لما تكون فى مصر بلد الامن والأمان، واستجابه الداخليه متمثله فى قسم الهرم، ونقطة الرماية وحدائق الاهرام، وماشاء الله يظبطوا العيال متلبسين وهما بيبيعوا الجنوط والكاوتش فى أقل من ٢٤ساعة رغم إن العربية كانت بعيدة عن أى كاميرات، ومفيش أى حاجة ترشد عن الحرامية بس المجهود الجبار اللى قاموا بيه رجال المباحث".

وأضافت: "لا أملك إلا الدعاء لهم إن ربنا يسدد خطاهم ويكرمهم ويحفظهم لاولادهم زى مابيحافظوا علينا ويامننوا ودا شكرا مفروض لكل من العميد هانى الحسينى مفتش مباحث الهرم، والعقيد أحمد عصام رئيس مباحث الهرم، والرائد كريم معاون مباحث النقطة، والبلوك أمين نجيب، وكل أفراد الأمن وكل من وقف جنبى أنا وابنى وردلنا حقنا وحاجتنا وفعلا مصر فى أمان بدال دول رجالتها شكرا جزيلا السيد مدير أمن الجيزه والسيد وزير الداخلية، وسياده الرئيس عبد الفتاح السيسى، وتحيا مصر".

من ناحية أخرى، كانت قد وجهت ميار الببلاوي، مؤخرا رسالة شديدة اللهجة لبعض المتابعين لها عبر حسابها على مواقع التواصل الاجتماعي، بعد تعرضها لمضايقات عديدة من قبل عدد من المتابعين من الرجال.

وكتبت "الببلاوي"، عبر حسابها الرسمي "فيس بوك": "أخر مرة أقسم بالله..  لو أى راجل وعيب أقول عليه راجل دخلى خاص، غير أهلى وشغلى هشير المسج بتاعته وعليها كومنت يهينه، عيب أنا ست متجوزة وبعشق التراب اللى بيدوس عليه جوزى وبحترمه فى غيابه قبل وجوده ولأنه مش فى مصر احترامى لغيابه أكتر".

ووجهت تحذيرًا: "دا آخر انذار مش هخرب على نفسى علشان شويه رجاله استغفر الله ميرضوش اللى بيعملوه دا على مرتاتهم اتقوا الله بقى أوف.. أنا ست كبيرة ومحجبة وأم راجل ومرات سيد الرجاله عيب جتكوا البلا".