ياسمين رئيس: معنديش مشكلة أشتغل مع طليقي هادى الباجوري

تحدثت الفنانة ياسمين رئيس، عن علاقتها بطليقها المخرج هادئ الباجوري، وعن إمكانية العمل معه بعد الانفصال، وأيضا عن طريقة تعاملها مع نجلها من الأخيرة.

وقالت رئيس، خلال وجودها ضيفة على برنامج "أسرار النجوم" مع إنجي علي، عن إمكانية العمل مع طليقها: "ممكن كل شئ جايز واحنا مش عارفين فيه إيه بكره والدنيا مليانة مفاجأت وهو بيطلعني بشكل حلو ومحدش عارف بكره فيه إيه".

وعن إذا كانت تجمعها صداقة به بعد الطلاق، أجابت قائلة: "أكدب ولا أقول الحقيقة.. ربنا يخليه لابنه، ومفيش بنا أي تواصل".

وعن الصفات المشتركة بينها وبين ابنها سليم  من طليقها هادى الباجوري، قائلة: "لما بيجيي يتكلم في حاجة صح بيبقى مؤمن أوي كدا أن هي صح.. وهو بيحب حاجته أوي وأنا بحب حاجتي وهو طالع كدا.. كل شوية بشوفه نسخة مصغرة مني، ومتبقيش عارفة امتى دا حصل".

وتابعت: "بيخليني أحس إني محتاجة أخلي بالي على نفسي وصحتي النفسية، عشان أنتي لو مش كويسة مش هتقدري تربي أطفال كويسة تطلع تواجه الدنيا وتشوفي إيه الغلط اللي فيكي علشان مش عايزاه يتنقل ليه".