أسامة منير لـ«العاصمة»: معملتش أصدقاء من الوسط الفني.. والحب هو ربنا سبحانه وتعالى

أكد الإعلامي أسامة منير، أنه لم ينجح في تكوين صداقات داخل مجال الفن والإعلام، وأنه ما زال يحتفظ بأصدقاء الطفولة.

وقال منير، في تصريحات للكاميرا "العاصمة": "الصداقة شئ غالي ونادر جدا، وأصحابي من أيام الطفولة هما أصحابي لغاية دلوقتي، ومعملتش أصدقاء من الوسط الفني خالص، وبحس وسطهم إني أسامة وبس مفيش مجاملات".

وعن الحب، قال: "الحب هو ربنا سبحانه وتعالى، ومفيش أغلى منه".

وكشف عن رأيه في الخيانة، قائلا: "احساس سئ جدا، احنا عايشين في الدنيا، والشيطان بيجربنا في كل حاجة غلط، وفي ناس بتقع وناس غاوية".

وعن الدور الذي يتمنى تجسيده على الشاشة، قال: "نفسي ألعب دور مختلف، مش عايز ألعب الراجل الشيك عزت أبو عوف مثلا، عايز أي دور عادي، إن شالله يكون مجرم أو إرهابي".

ووجه أسامة منير رسالة حب لزوجته وأولاده، قائلا: "أقول لزوجتي إني بحبها وهي في الدنيا الوحيدة اللى عرفت مفاتيح أسامة منير وتعبت معايا علشان تعرف تحتويني، وأقول لأولادي أنتوا أغلى حاجة في الحياة".

وكشف عن الأمور التي تغضبه، قائلا: "بضايق لما أحس إن اللى قدامي بيستعبطني أو بيستخف بذكائي، ومن الإهمال ومن المواعيد المضروبة، ومن قلة الضمير".