«ما تأكلوهومش كتير».. ننشر نص حديث الرئيس السيسي مع أهالي طلاب كلية الشرطة

قام الرئيس عبد الفتاح السيسي، فجر اليوم الأربعاء، بتقديم التهنئة لطلاب أكاديمية الشرطة بمناسبة حلول شهر رمضان الكريم.

وينشر «العاصمة» نص كلمة الرئيس خلال زيارته اليوم لمقر أكاديمية الشرطة. 

قال الرئيس السيسى: "لسه المشوار قدامنا كمان، لكن البداية اللى أنا شايفها موفقة جدا وبتمنى ليكم التوفيق.. استمروا وحسنوا دايما من آدائكم.. التعليم والتدريب وكل شىء وهدفه يطلع إنسان فاهم جاهز قادر إن شاء الله إنه يؤدى مهمة كبيرة جدا، وهى حماية الوطن، بلدنا، وهى أشرف مهمة يقوم بها أى إنسان حماية الوطن، فى أى بلد فى العالم أشرف مهمة يقوم بها الإنسان.. بهنيكم وأتمنا لكم كل التوفيق وكل عام وأنتم بخير.

أضاف الرئيس: "أنت بتدرب وتتعلم تخلي بالك من نفسك وزميلك وتبقا واعي وفاهم كل حاجة متسيبش حاجة تعدي عليك غير لما تفهمها كويس..الأيام بتمر بسلام ..بنهنيكم وانتوا بتتخرجوا من الأكاديمية وبشكركم وبشكر الأكاديمية ووزارة الداخلية كل سنة وانتم طيبين".

اقرأ أيضا.. شاهد| التفاصيل الكاملة لجولة الرئيس السيسي داخل أكاديمية...

دعا الرئيس عبدالفتاح السيسي طلاب أكاديمية الشرطة، إلى القراءة والمعرفة، مضيفا: "اوعوا تبطلوا كلام.. بس يبقى موزون قوى بالمعرفة والقراءة والحقائق.. لما تيجيوا تتكلموا بموضوعية وبأساس ممكن الناس تسمعك وتقدر اللى أنت بتقدموا من طرح".

وعن مراكز الإصلاح والتأهيل،قال: "فكرة مراكز الإصلاح إن أحنا كبني آدمين لما نخطئ موصلناش لآخر الدنيا، يعني الواحد ممكن يخطئ طبيعي، وفلسفة العقاب اللى كانت موجودة قبل كده طورنا فيها، مش عاوزين نعاقب الإنسان على قد ما بنحاول نصلحه، جايبنه هنا علشان نحمى المجتمع منه ونحميه من نفسه، طيب ما نعمل برامج لتطويره وتحسين اداؤه ومحاولة تغييره".

وتابع: "كان عندي طريقين أحاول ادخل تطوير وإصلاح على الواقع الموجود، لقيته مش جيد، علشان كده بقولكم دايما تفكروا متسيبوش الدنيا على حالها كده، واللى هيفكر هيقدر يوصل بفضل الله سبحانه وتعالى طالما فيه إخلاص وهدف، هيجد ربنا بيوفقه لفكرة كويسة".

وواصل:  "علشان نغير لو تفتكروا لما جينا في المناطق الخطرة والناس كانت فيها بتنام في الشارع، كان عندي مسارين، أحاول أحسن لهم حاجتهم، أو أعمل مكان جديد خالص، اخترت التاني الأغلي والأكثر تكلفة، وقد يكون أكثر جدارة ، طيب أنا عاوز أغير وابني شخصية مختلفة، عاوز أعمل إصلاح حقيقى للإنسان ده، طيب نخش نطور على اللى موجود، قلنا لا نعمل شكل تاني فاتعملت المراكز دي وقلنا نغير حتى في الاسم مش هنسميه سجن تاني وهنسيمه مركز إصلاح وتأهيل، حتى الصورة الذهنية الموجودة في المجتمع عن السجن تتغير، ثم نعمل برامج داخل المراكز من أول مبيت الناس لأكلها وطريقة التعامل معاها، وحيدت العامل البشرى، عاوز تنجح حاول تقلل من التدخل ده، وتقلل احتكاك البشر مع الفكرة علشان تنجح، فقلنا ايه النظام القديم فيه احتكاك مباشر وثقافة اتشكلت وحاجات كتير غريبة اتعملت أنا معرفهاش".

واردف: "لما تشوفوا حاجة متنشروهاش بنظرة نقدية.. يعني ايه نظرة نقدية.. يعني مش انتقاد علشان انتقاد، ولكن بنظرة فاحصة شوفوا اللى أحنا عاملينه، ممكن تعمل حاجة وفى الآخر ممكن تضيف فكرة وإضافة في الموضوع في كل عمل هتشتغلوا فيه هيبقى دايما بنتحرك وبنندفع للأمام.. والتطوير مش مرتبط بمرحلة وبس، وأقول ده اللى عملناه نحسن ونقيم ومش عيب أعمل حاجة وبعد ما اعملها بعد تقييم الاقى نفسى محتاج اغير فيها".

أكد الرئيس عبدالفتاح السيسى، أن الله سبحانه وتعالي هو الذى حفظ مصر، مضيفا: "اللى حفظ مصر وهيحفظها ويكبرها ربنا سبحانه وتعالي، وأنتم الأسر اللى زيكم اللي ربت ولادها وكبرتها وبتقدمها لمصر، إنتم ومش بجاملكم.. بيكم واللى انتوا عملتوه والشباب والشابات اللى ربتوهم أحسن تربية وجهزتموهم وتقولوا اتفضل بنقدمهم لمصر.. ربنا يحفظم ويحميكم وتحيا مصر بيكم جميعا".

وجه الرئيس السيسي حديثه لأسر الطلاب خلال زيارته لمقر أكاديمية الشرطة قائلا: "خالوا بالكم من ولادكم ما تأكلوهومش كتير احنا منظمينهم.. وإن شاء الله تسعدوا بيهم وربنا يحفظكم.

طمأن الرئيس السيسي الحاضرين عن أحوال البلاد: بطمنكم على حالنا احنا بخير ودايما أقول الكلمة دي لما اقابل أهلى المصريين بقولهم متخفوش ومتقلقوش من حاجة خالص، احنا مرينا بأيام صعبة خالص قوي قوي السنين اللى فاتت ، وافتكروا فيه تضحيات قد ايه؟، وربنا سبحانه وتعالي هونها علينا ووفقنا بفضله وكرمه علينا، والتضحيات الشباب والجيش والشرطة وبقت مصر في حتة تانية بفضل الله سبحانه وتعالي".

واصل الرئيس حديثه قائلا: "اطمنوا علي ولادكم.. وبنهنيكم عليهم انهم شباب وشابات حاجة تفرح .. إحنا جينا بدرى شوية علشان نقولهم كل سنة وانتم طيبين، لكن كل التدريبات حاجة تطمن وتفرح بشكركم مرة تانية بيقولولي انت اللى هتنزلهم او متنزلهومش فانا مش عارف؟ عاوزين تاخدوهم بقول لوزير الداخلية الناس هتيجي ونقول الناس لا ..هما نازلين معاكم وكل سنة وانتم طيبيين.. ربنا يخليكم .. متشكر ربنا يكرمكم ويخليكم متشكر