نهى العمروسي عن رفض يوسف الشريف للتلامس في الأعمال الفنية: «يشوفله شغلانة تانية»
كتب: شروق خالد
كشفت الفنانة نهى العمروسي عن رأيها في تحريم بعض الفنانين والفنانات للفن بعد اعتزالهم، بالإضافة إلى رفضهم التلامس والقبلات في السياق الدرامي.
وقالت "العمروسي": "بشوف الناس دي مش محترفين، ميفنعش أدخل على أبويا وأنا راجعة من السفر مايحضنيش اللي بيمثل دوري أبويا، ماينفعش أكون قاعدة في البيت بالأشرب، المحجبين مبيقعدوش في البيت كده، مينفعش احنا بنمثل".
وتابعت: "مشفتش تعليق حنان ترك على اعتزالها بس بعيد عن الشخصنة أنا مش موافقة على المبدأ، إنما ممنوع اللمس طب أنتي بتمثلي ليه؟".
واختتمت نهى العمروسي حديثها قائلة: "يوسف الشريف بيرفض التلامس، هو حر وأنا لازم احترمه بس أنا حرة أقول لا أنه مش محترف وده مش فن، مينفعش أنت تحطلي شروط وأنت شايف أن ده حرام متلعبهاش خالص، لكن أنت راضي أنك تشتغل الشغلانة دي تشتغلها بمصداقية أو تشوف شغلانة تانية"، وجاء ذلك خلال استضافتها مع الإعلامية أميرة بدر ببرنامجها Vip المذاع على شاشة "هي".
وجدير بالذكر أن، آخر أعمال الفنانة نهى العمروسي مسلسل "الخانكة" 2016، بطولة غادة عبد الرازق، ماجد المصري، فتحي عبد الوهاب، ميرهان حسين، إخراج محمد جمعة.
ومن ناحية أخرى، برنامج vip يعرض على شاشة "هي" يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا.
