خالد يوسف يرد على راجع داوود: لم أتضايق من حديثه عن الموسيقى التصويرية لـ"سره الباتع"

خرج المخرج خالد يوسف ليرد على البيان الذي أصدره الموسيقار راجح داوود حول أزمة الموسيقى التصويرية لمسلسل "سره الباتع"، وذلك عبر فيديو نشره على حساباته على السوشيال ميديا.

وتحدث المخرج خالد يسوف في الفيديو قائلا: بيني وبين راجح داوود مودة وعلاقة طيبة جدًا واشتغلنا مع بعض من 15 سنة في مسلسل الريس عمر حرب، وكانت تجربة جيدة جدًا وذكرياتها سعيدة جدًا بالنسبة لي وله، ومضيقتش من بيان الموسيقار راجح داوود لأن هو حقه ينبه الجمهور أن في مزيكا موجودة على مسلسل مش من تأليفه حتي لا يعتقد أحد أن مزيكا دي تنسب لي وموصفش اللي أنا عملته جريمة لأن دة حقي المطلق اللي أنا أحط مزيكا اللي أنا احس ملائمة للمشهد من وجه نظرى.

وأوضح: وضعت الموسيقى على المشاهد وجدتها غير كافية وأنا استخدمتها كاملة، وهناك مشاهد كتير لم أجد ما يلائمها في موسيقى راجح داوود زي مشهد موكب نابليون استخدمت السلام الجمهوري الفرنسي القديم، وفي مشاهد كتير لقيت موسيقى ملائمة ليها من اللي عمله راجح واستخدمت حاجات من أفلامي القديمة بعدما استأذنت.

وأضاف: استخدمت مزيكا في مسلسل سره الباتع من أفلامي القديمة وأخذت موافقة صناعها، وأدعو راجح داوود لتجربة يمكن أنا غلطان نعمل مقارنة بين مزيكا اللى حطيتها في بعض المشاهد والمزيكا اللى شايفها مناسبة وحطها وينزلها عنده والجمهور يحكم.

وأشار "يوسف": في كل الأحوال بعتز بالأستاذ راجح داوود وبتجربته ومش حابب يكون مضايق وأنا اتحطيت في هذا الموقف.. وفي ناس بتنسى التاريخ والسينما المصرية مكنتش لحد الخمسينات بتعمل موسيقى ولكن بتستخدم الموسيقى العالمية.. أنا أتصور أن من حق الجمهور والنقاد يقولوا أن الموسيقى اللي استخدمتها مش ملائمة.

وفي النهاية قال: أنا من حقي استخدم الموسيقى التي أرى أنها مناسبة، ومش من حق حد يقولي ليا حطتها ليه لأنها رؤية المخرج.