أمينة خليل: الناس شافت «الهرشة السابعة» قصير وإحنا شوفناه كبير عشان تعبنا فيه

علقت الفنانة أمينة خليل على مشاركتها بمسلسل "الهرشة السابعة" برمضان 2023، مؤكدة أنه لم يكن للسيدات فقط.

وقالت أمينة خليل، خلال لقائها مع الإعلامي شريف عامر، ببرنامج "يحدث في مصر" : "كان هدفنا من البداية إن مسلسل الهرشة السابعة ما يكونش للستات بس وفيه ناس كتيرة منهم أختي وأصدقائي عندهم أطفال وشوفت وعيشت معاناتهم قبل كده".

وأضافت: "شوفت نماذج كثير للست اللي شايلة الليلة لوحدها في البيت وأنا والمخرجة مريم نعوم والمؤلف كريم الشناوي من الأول خالص متفقين أن أحنا عايزين المسلسل دا ميبقاش مسلسل ستات، بالعكس احنا كنا عايزين نظهر وجهتين النظر بتاعت الراجل والست".

واستكملت حديثها قائلة: "أيا كان في علاقة آدم ونادين أو في علاقة سلمى وشريف، كنا عايزين يبقى فيه عدل بين وجهتين النظر تبان بحيث أنه المشاهد يبقى فاهم الصورة كاملة كان الشخصيات دي".

وتابعت أمينة خليل: "الناس شايفة إن مسلسل الهرشة السابعة 15 حلقة قصير أوي وإحنا شايفين إنه كان 7 سنين علشان تعبنا فيه".