بعد سخريته من مطرب AI.. عمرو مصطفى يمازح أحمد سعد: «هلبسه براحتي»

مازح الملحن عمرو مصطفى، الفنان أحمد سعد ورد على تساؤلاته بسبب «مطرب AI» والذي يعمل بتقنية الذكاء الاصطناعي، الذي أعلن عنه مؤخرًا.

وكشف عمرو مصطفى خلال لقائه مع «إنسايدر بالعربي»، أنه لديه ردان أحدهما شرير والأخر طيب، «الرد الشرير هو عشان أعرف ألبسه براحتي يا أحمد، ألبسه كلاسيك ألبسه مش عارف ايه، المهم يلبس براحتي أنا، أما بقى الرد الطيب هاقوله يا أحمد اللي أنت عايز تغنيه غنيه».

وأضاف مصطفى: «إحنا عندنا أجيال بتمشي ورانا، لازم يشوفونا قدوة وأنا أكتر ناس بحب أحمد سعد، وعلى فكرة هو اتظلم كتير، لأنه صوت المفروض يبقى موجود من زمان أوي».

وكان أحمد سعد، علق بسخرية على إعلان عمرو مصطفى عن تقديمه أول مطرب بتقنية الذكاء الاصطناعي AI، قائلًا: «هو احنا كنا قصرنا معاك في ايه؟»، وذلك بعد نشر عمرو مصطفى لصورة مطرب بتقنية AI، وعلق عليه قائلا: «أول مطرب AI في العالم قريبًا».