تامر حسني لفريق فيلمه الجديد «تاج»: «ربنا هيكرمنا بسبب تعبنا الخارق»

أعلن الفنان تامر حسني، انتهاء تصوير فيلمه الجديد «تاج»  بصورة من كواليس العمل، وذلك عبر حسابه الرسمي على فيسبوك، موجها من خلالها رسالة لفريق عمل الفيلم.

وقال تامر حسني: «إن شاء الله انتظرونا في العيد القادم تاج، ومن كل قلبي شكرًا لكل الناس المحترمة الغالية اللي في الصورة».

وأضاف: «واللي معرفوش يكونوا في الصورة اليوم ده في ناس كتير أوي تعبت في الفيلم ده أوي فوق الوصف، بقولهم ربنا هيكرمنا بسبب تعبنا الخارق فعلًا اللي حصل في الفترة دي، يا رب اكرمنا».

وكان قد مازح الفنان تامر حسني، جمهوره بصور لفريق عمله من كواليس تسجيل أغاني فيلمه الجديد «تاج»، لافتا إلى أنه يتركهم ينامون 5 دقائق خلال يومين للانتهاء من تسجيل الأغاني.

ونشر «تامر» صورة عبر «فيسبوك»، قائلا: «ويقولوا إني مُتعب في الشغل، طب بذمتكم في أحن من كده، سايبهم يناموا أهوه في المكتب ٥ دقايق بحالهم في اليومين، ومش متضايق ومبسوط ومبتسم أهوه عشان شايفهم نايمين في هدوء وسكينة».

وأضاف: «كفاية ظلم بقى عاش يا وحوووش، ربنا بيكرم على قد المجهود انشفوا خلاص هاااااانت إن شاء الله، يا حبايب قلب تاج، عمرو عاكف ووليد رأفت وسارة وفيق».