المخرج كريم الشناوي غاضبًا من «راديو إنجري»: هل الجوائز تُمنح على حضور الحفلات ؟

عبر المخرج كريم الشناوي عن غضبه من مما حدث معه بحفل توزيع جوائز مهرجان راديو إنرجي لدراما رمضان 2023.

ونشر كريم الشناوي عبر حسابه بموقع التواصل الاجتماعي فيسبوك، منشور قائلاً :"عتذار واجب، انهاردة كان في جائزة المفروض استلمها من راديو NRJ عن إخراج مسلسل "الهرشة السابعة"، و بسبب ظروف السفر مكنتش هبقى متواجد و اتفقت مع المنظمين من اسبوع ان دي فرصة عظيمة ان يستلم الجائزة رانيا رشدي و سارة النادي و أمينة عبد الوهاب من فريق الإخراج، لان الحقيقة الشغلانة بتاعتنا دي شغلانة جماعية و دي فرصة ان الناس تشوف جزء من الفريق اللي تعب جدا عشان العمل يطلع بشكل مرضي".

وأضاف، " المهم الثلاثة بنات وصلوا اليوم كما تم الاتفاق و انتظروا التكريم و مطلعوش لاستلام الجائزة، تواصلت اثناء الحفل مع المنظمين عشان الاتفاق و اعتذروا و قالوا ان ده خطأ مش مقصود و هيتم تداركه و انهم هيطلعوا، لكن الحفل انتهى بدون تكريمهم و استلامهم الجائزة.

معنديش اي تعليق على تصرف القائمين على الاحتفال، الامر متروك لهم و لتقديرهم اذا كانت الجوائز بنستحقها على شغلنا اللي تعبنا فيه و لا حضورنا الحفلات. انا بس حابب اقول لرانيا و امينة و سارة اني اسف جدا على الموقف ده، وأننا بنعيش و نتعلم و نعيش و نتأكد ان اهم مؤشر لنجاح شغلنا بنشوفه و احنا ماشيين في الشارع و اننا نتبسط و احنا شغالين".

وأنهى حديثه قائلًا :"أنا آسف مرة ثانية، وشكرا لكل صناع الهرشة السابعة و نقفل الصفحة ونركز في مشروعنا القادم".