بسبب فتوح.. ميدو :«يعلن تقديم الزمالك بشكوى ضد أحد البرامج»

أعلن أحمد حسام "ميدو" تقدم نادي الزمالك بشكوى في المجلس الأعلى للإعلام بسبب ما تردد حول توقيع أحمد فتوح لاعب الزمالك للنادي الأهلي.

وقال "ميدو" في تصريحات تليفزيونية :"لاعيبة الزمالك ابتدت تفهم أوسوريو، والناس اللي بتطلع أخبار عشان تهد النادي بقولهم  الزمالك مش وكالة من غير بواب".

وأضاف عضو الفنية قائلاً :"أي حد هيقول كلام غلط عن نادي الزمالك وشائعات عن النادي هنقف قدامه وهنخش خناقات، وأحد البرامج إمبارح طالع بيقولك فتوح وقع للأهلي، ده اسمه كلام؟ ده كلام يتقال؟ واللي قاعد جنبه المسؤول الإعلامي عن منتخب مصر، منصبه لا يسمح له بالبقاء في الحديث عن لاعب منتخب مصر بهذه الشائعات، ده بدأ هو الحديث، فين اتحاد الكرة في الكلام ده؟".

واختتم تصريحاته قائلاً :"فتوح عقده مستمر لموسم آخر مع الزمالك، وقدمنا شكوى للمجلس الأعلى للإعلام ضد هذا البرنامج، والكلام اللي بتقوله ده يدين النادي الأهلي، اللي أنت بتخدم على مصالحه".