دي تربيتك.. لما جبريل توجه رسالة لوالدة زيكو

وجهت الإعلامية لما جبريل رسالة إلى والدة مصطفى زيكو، لاعب منتخب مصر، على خلفية الجدل المثار حول طبيعة العلاقة بين اللاعب ووالدته وزوجته، مؤكدة أن مكانة الأم لا يمكن أن ينافسها أحد.

وقالت لما جبريل خلال تقديمها فقرتها ببرنامج «الحكاية» مع الإعلامي عمرو أديب، عبر قناة «إم بي سي مصر»: «إحنا مش هنتناقش في دور الأم، هي الأساس، وأكيد هو شايلك في قلبه.. ومعاملة الراجل الكويسة لزوجته ده دليل على تربية الأم وإنك أم ناضجة وواعية.. ومينفعش تزعلي من تربيتك».

وأضافت: «البنت الغلبانة دي أصبحت زوجته وهي اللي مكملة معاه باقي الرحلة.. ولما يبوس الدبلة ده مش معناه إنه نسي أمه، هو بيشكر شريكة حياته اللي معاه.. الكورة والنجاح فيهم مكان يشيل حب الأم وتقدير الزوجة، وبلاش قفش والرحمة بالدبلة وصاحبة الدبلة».

لما جبريل تشيد بموقف حسام حسن تجاه فلسطين

وفي سياق آخر، أعربت لما جبريل عن سعادتها بموقف حسام حسن، مدير منتخب مصر، بعد رفعه علم فلسطين عقب تأهل المنتخب إلى دور الـ16 في بطولة كأس العالم 2026.

وقالت خلال برنامج «الحكاية»: «حركة بسيطة هزت الدنيا والإعلام الإسرائيلي، وقالوا هنشجع الأرجنتين ضد مصر، وممكن تعرض حسام حسن لمشكلة مع الفيفا، بس قالوا مفيش مشكلة لأن فلسطين في الاتحاد الدولي، وإحنا اتربينا على القضية دي وطول عمرها قضيتنا».

لما جبريل تنتقد سخرية صحفي رياضي من محمد هاني

كما انتقدت الإعلامية لما جبريل تصرف أحد الصحفيين الرياضيين خلال مؤتمر صحفي عقب تأهل منتخب مصر إلى دور الـ16، بعدما وجه سؤالًا إلى اللاعب رامي ربيعة تضمن انتقادًا لمحمد هاني.

وقالت لما جبريل: «ده مش إفيه، ده تعدي على لاعب مصري في توقيت حساس جدًا، بيسعى ويجتهد وبيعمل أكتر من اللي عليه بشوية عشان يثبت إنه راجل ومعافر، ومينفعش نختزل كل ده ونقول دخل جون في نفسه».

وتابعت: «وقبلها وقع وأغمي عليه، والمفروض بعدها يتهز أو يبقى عنده عدم ثقة، لكن ده الحقيقة محصلش.. لا يليق الهزار في حاجة زي كده، مكنش وقته تريند ولا هزار».

كما أشادت لما جبريل بموقف حسام حسن وحرصه على التواصل المستمر مع زوجته دان عقب مباريات منتخب مصر في المونديال، داعية الرجال إلى الاقتداء به في تقدير زوجاتهم ودعمهن.