عزة بهاء: مليش حظ في الرجالة.. واكتشفت أن جوزي متجوز عليا وأنا في جنازته

كشفت الفنانة عزة بهاء عن تعرضها لصدمة عقب وفاة زوجها، موضحة أنها علمت بزواجه عليها ولم يخبرها، وذلك أثناء تشييع جثمانه.

وقالت "بهاء": "أنا اتجوزت ٣ مرات، لأن ماليش حظ في الرجالة للأسف بختار غلط.. أنا مرة كنت متجوزة وهو كان مسافر وعمل حادثة وأنا طبعا قاعدة مستنياه يرجع فلقيت مامته بتكلمني تقولي إنه إتوفى".

وتابعت: "نزلت لقيته اتوفى فعلا وفي عربية الإسعاف ومعاه واحدة فقعدت اخبط على العربية، عايزة أعرف مين دي، ومصدومة طبعا ومش مستوعبة لسه، وفي الجنازه بتاعته بعد ما اتدفن وصلينا عليه لقيت واحد صاحبه بيواسيني فقولتله الا قولي هي مين اللي كانت مسافرة معاه دي صحيح صاحبته؟".

واختتمت عزة بهاء حديثها قائلة: "صاحبه رد عليا قالي لا يا عزة متظليمهوش ده طول عمره على خُلق ودي مكانتش صاحبته دي كانت مراته، وأنا كنت زوجة تانية وهو اتجوز عليا التالتة من غير ما أعرف"، وجاء ذلك خلال استضافتها مع الإعلامية مروة صبري في برنامج "قعدة ستات"، الذي يُعرض على شاشة "القاهرة اليوم".