جوري بكر من الساحل الشمالي: «ناس قليلة الأدب ولولا جوزي مش هاجي»

عبرت الفنانة جوري بكر  عن استيائها الشديد من أسعار المياه في منطقة الساحل الشمالي.

وهاجمت جوري استغلال أصحاب المطاعم والسوبر ماركت في الساحل، وذلك عبر صفحتها الرسمية على موقع تبادل الصور والفيديوهات انستجرام.

وعلقت جوري، قائلة: "أنا بكره الساحل أو الأصح اللي بيحصل في الساحل، وأنا متضايقة من اللي بيحصل في الساحل، ولولا أن جوزي بيحب يروح هناك مكنتش جيت".

وأضافت جوري بكر: "فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي ايه اللي وداكي، بس أنا مضطرة، وأنا الحمد لله راضية بس إيه الأسعار دي؟!".

وتابعت: "أنا أي مكان هدخله مش هيعجبني أسعاره هفضحه على السوشيال ميديا، لأن إنتوا حرفيا بتسرقوا الناس، عشان يومين تلاتة جايين ينبسطوا فيهم فيالا تعالى أستغلك وأطلع كل الفلوس اللي في جيبك، يعني إيه عيل صغير يروح يجيب إزازة مياه بـ 200 جنيه، هي مياه من الجنة".