سعد الصغير ينعي عازف الأورج بلال جعفر: كنت معاه من كام يوم
كتب: حسناء حسن
نعى المطرب سعد الصغير صديقه عازف الأورج بلال جعفر، الذي رحل عن عالمنا منذ قليل بعد صراع مع المرض، معربًا عن حزنه لوفاته ومؤكدًا قوة العلاقة التي جمعتهما على مدار سنوات.
سعد الصغير يكشف تفاصيل الأيام الأخيرة مع بلال جعفر
وكشف سعد الصغير عن تواجده مع بلال جعفر قبل أيام قليلة من وفاته، موضحًا أنه حرص على دعمه والوقوف إلى جانبه خلال أزمته الصحية.
وقال سعد الصغير في نعيه: «البقاء لله أخويا المحترم عازف الأورج بلال إلى رحمة الله، ده اللي كنت بقول لإخواتي الفنانين، وكل حد من العازفين يشوفوا الراجل كان محتاج ناس كلها جنبه، بس دلوقتي بقى عند ربنا».
وأضاف: «ياريت الناس تبقى على العِشرة، واللي كان مابينكم في يوم من الأيام».
سعد الصغير: «كنت مبسوط إني كنت معاك»
وواصل سعد الصغير حديثه عن صديقه الراحل، قائلًا: «أهو الراجل راح وكان عايز الكل يبقى معاه، ربنا يرحمك يا بلال، ربنا يرحمك يا حبيبي بلال، كنت لسه معاه من كام يوم، وكان فرحان جدًا إن أنا كنت معاه وأنا مبسوط إن كنت معاك يا بلال».
واختتم سعد نعيه بالتأكيد على تمسكه بصداقته لبلال جعفر، قائلًا: «وأول لما كلمتني أنا مقدرش أتأخر عنك، صاحب صاحبك في كل شيء، مش في المصلحة».
وأضاف: «ياريت نعرف إنها مش دايمة، واللي معاك النهارده بكره مش موجود، ربنا يدمها علينا جميعًا بالصحة والبركة والخير كله».
