اتهمته بضياع مسلسلها.. عمرو محمود ياسين لـ برنسة عبد الغني: «في الحفظ والصون»

علق السيناريست عمرو محمود ياسين، على ما ذكرته برنسة عبد الغني، أشهر كومبارس في السينما المصرية، من خلال تصريحات تلفزيونية لها، حيث أكدت فيها أنها أعطته ملخصا لقصة حياتها لكي يكتبها لكنه أضاعه.

وكتب عمرو محمود ياسين عبر حسابه الرسمي على "فيسبوك": "النهاردة لقيت الخبر ده : برنسة عبدالغني: عمرو محمود ياسين خد ملخص حياتي عشان يتعمل مسلسل وضيعه، يا أستاذة برنسة تحياتي ليكي أولا، ثانيا حضرتك كنتي قابلتيني وإحنا بنصور مسلسل "ونحب تاني ليه" على ما أتذكر و لقيتك من تلقاء نفسك جايبالي ملخص وقولتي لي اقراه عشان عايزة إني أعمله مسلسل وقتها كنا لسه بنصور وما قدرتش اقراه وقتها".

وأضاف عمرو محمود ياسين: "قريته بعد كده لما اتصلتي بيا فكرتيني به بعد فترة طويلة .. وقتها أنا قريته وللأسف ملقتش فكرة مناسبة له، وحضرتك ما كلمتينيش تاني وأنا ما تصلتش برضه وده تقصير مني بعتذر عنه، لكن مش عارف جبتي منين حكاية إني أنا ضيعته؟؟ مش عارف جبتي الفكرة دي منين؟ الملخص بتاعك في الحفظ والصون زي ما هو وتقدري تاخديه وقت ماتحبي .. وربنا يكرمك".

وصرحت برنسة عبد الغني، خلال حلولها ضيفة على برنامج "المنسي" من تقديم إنجي هشام عبر قناة "هي": "أديت قبل كده لأستاذ عمرو محمود ياسين قصة مسلسل عن ملخص حياتي وضيعها، كتبتله القصة كام صحفة على أساس هو يكمل عليها أنا كاتبة ملخص، وقابلته في مسلسل، وللأسف ضاعت منه".