«ريم» من أمام فيلا حسن شاكوش: «بيشتمني ومش عارفة أخد هدومي»

كشفت ريم طارق زوجة مطرب المهرجانات حسن شاكوش، عن تعدي الأخير عليها بالسب والشتم، أثناء محاولتها تنفيذ تمكينها من مسكن الزوجية بصحبة رجال الأمن.

وأكدت زوجة حسن شاكوش، في مقطع فيديو لايف من أمام فيلا مسكن الزوجية، أنها لا تستطيع دخول الفيلا حتى تأخذ ملابسها الخاصة، على الرغم من حصولها على قرار تمكين من جهات التحقيق، قبل شهرين، قائلة: "معايا قرار تمكين من جهات التحقيق، ومش عارفة أتمكن من الفيلا وأخوه وابن أخته قاعدين، ومنتظرين من أربع ساعات ومش عارفين ندخل ومش عارفة آخد هدومي لأنه مستولي عليهم".

وأضافت: "أنا ما قلتش سبب المشاكل وما عملتش حاجة غير إني جاية آخد هدومي لأني كنت ممنوعة من الدخول، وهو بيشتمني قدام الناس وبهدلني، وده المكان اللي ساكنين فيه وقاعدين فيه لوحدينا وهو جاب أهله وأنا مش معايا حد من أهلي".

وتابعت: "رفعت قضية باللي حصل بيني وبين حسن ومش هتكلم في اللي حصل لأنه حاجة كبيرة وما ينفعش تتقال، ويمكن أحكي اللي حصل يا عالم".