لهذا السبب.. «يوتيوب» يغلق أغنية «يمكن خير» لرامي صبري

في تطور جديد، للأزمة المشتعلة بين الفنان رامي صبري والفنان عمرو مصطفى بسبب اتهام الأخير للأول بسرقة لحن أغنية "سيبوه" من خلال أغنيته الشهيرة "يمكن خير"، حيث تقدم مصطفى ببلاغ لإدارة اليوتيوب، يطلب منه حذف الأغنية الأخيرة من القناة الشهيرة بسبب حقوق الملكية الخاصة بها والتي تعود له متهما رامي صبري بالسطو على لحن له من خلالها.

وكان قد علق رامي صبري على اتهام الملحن عمرو مصطفى له بسرقة ألحان أغنية «رقصة» وتقديمها في أغنيته «يمكن خير»، قائلًا: «شخصيًا مش بحب أتكلم على الزملاء بشكل سلبي، فتوجد عِشرة بيني وبين عمرو، لكن بسبب العشرة مش هتكلم بنفس طريقته اللي طبعًا معجبتنيش».

قال رامي صبري خلال لقاء له "أجمد 7"، المذاع على إذاعة "نجوم إف إم": "مش رامي صبري اللي يسرق لحن ولو هو يعرفني كويس مش هيتهمني الاتهام ده ممكن يكون فيه توارد أفكار وفيه 10 ألحان ممكن يكون فيهم جملة شبه التانية ومرة عملت أغنية لعامر منيب اسمها ده مكنش حب وهندم ليه، بعدها بسنة عمل عمرو دياب أغنية الملحن بتاعها محمد يحيى أغنية ريحة الحبايب، والاتنين نفس الشكل، وده مش عيب ومطلعتش ساعتها وقلت هتخانق مع محمد يحيي وارفع عليه قضية".

وأضاف: "مشكلة عمرو مصطفى مش أغاني، لأن لو حد فينا سرق حاجة منه هيقاضيه وهيعمل كل حاجة بالقانون لأنه خريج كلية حقوق، وأنا خريج معهد موسيقى عربية قسم تأليف موسيقى يعني لما تيجي تتكلم عن متخصص وانت خريج حقوق يبقى لازم تعرف انت بتتكلم عن مين".

واستكمل:  "ركز في شغلك اكتر واعملنا شغل حلو وانا عن نفسي لو فيه اغنية حلوة ليا هاغنيها، إنما تطلع تقول ده سرق وده خد مني عيب يطلع من فنان كبير زيك".

واستطرد: "قانونا مش من حق عمرو مصطفى انه يقاضيني ولا يتهمني بالسرقة وانا فعلا مسرقتش منه حاجة، عمرو لما بيغير من نجاح بيطلع يخبط في الناس ومفيش فينا حد عاتبه خالص ودايما يتهمنا بالسرقة ويقول كلنا واقعين طيب ازاي أنا لو عندي مشاكل نفسية مكنتش خليتك تغني أو تشتغل تاني بالقانون لأني دارس ومتخصص وهو زي التلميذ بالنسبة لي وأنا الأستاذ وهو خريج حقوق ولكن هعديها علشان مراته ست محترمة وأولاده زي أولادي".