أول رد من مرتضى منصور على واقعة اعتداء فرد الأمن على عضو الزمالك (فيديو)

كشف المستشار مرتضى منصور، رئيس نادي الزمالك السابق، حقيقة الفيديو المتداول عبر مواقع التواصل الاجماعي بشأن اعتداء الأمن على أحد أعضاء الجمعية العمومية بنادي الزمالك.

وأشار مرتضى منصور، في تصريحات تليفزيونية عبر فضائية «الزمالك»، قائلاً :«سؤال هما عاوزين إيه من نادي الزمالك ومن مرتضى منصور، الزمالك امبارح فرحان جدًا، كسب 4 في أول مباراة له في البطولة وأصبح أول المجموعة في بطولة صعبة».

وأضاف: «الفرحة دي لازم يبقى وراها مصيبة، ازاي تفرح، المصيبة دي النادي المنافس بيعملها والسوشيال ميديا الزملكاوي بيشيرها، أنا لقيت رسالة جايالي الصبح واحده بعتالي رسالة على حادثة فرد الأمن انتي صفتك ايه؟، سألت وقالولي أن تلك الواقعة من سنتين، أنا مش فاكر كنت موجود رئيس نادي ولا لأ، بس اللي أنا فاكره لو أنا كنت رئيس نادي (بقطع رقبة الأمن) وده بيحصل كل يوم أي فرد أمن يتجاوز، يتم فصله».

وتابع: «العضو صاحب الواقعة جاء لي وأكد لي أن تلك الواقعة كانت من سنتين، أنا لسة شايف الفيديو ومشوفتش الواقعة وقتها ومعتقدش أنا كنت موجود لأن ده شغل بلطجة».

وأكمل، قائلاً :«الفيديو ده من سنتين بيتشير النهاردة ليه؟ عشان الزمالك طلع من البدروم وبقى في السما، انتوا عاوزين ايه من نادي الزمالك، كل الأندية بيحصل فيها خناقات».