كريم قاسم: «روحت الجيم سنة علشان دوري في ولاد رزق 3»
كتب: عزة عبد الحميد
كشف الفنان كريم قاسم عن استعداده لفيلم "ولاد رزق 3"، والذي يتم التحضير له حاليا للعرض بالسينما.
وقال كريم قاسم، لبرنامج "et بالعربي": " أنا متحمس جدًا، وبقالي سنة بروح الجيم ولسة بروح، ومحتاج جيم بقى أكتر قبل ما نصور في شهر أكتوبر وبلعب رياضات وحاجات كدة عشان متحمس جدا للتجربة، والواحد يكون مستعد جسديًا للمشاهد".
وأضاف: "أنا لسة مقرأتش السيناريو، بس المخرج طارق العريان بيحكيلي وهو مش مطمني خالص، قالي إن أنا هتبهدل فأنا بستعد لكل الظروف، وأتمنى يكون في تغيير في الشخصيات، وأكيد اتطوروا من الجزء التاني للتالت، وبينضجوا وبيتعلموا من أخطائهم، فأنا متحمس إني أرجع لشخصية رمضان في الفيلم".
ومن المفترض أن يبدأ المخرج طارق العريانم تصوير ولاد رزق 3، في شهر أكتوبر المقبل، ويقوم ببطولة العمل كل من أحمد عز، عمرو يوسف، أحمد الفيشاوي، كريم قاسم، محمد لطفي، باسم سمرة، سيد رجب، ماجد الكدواني، آسر ياسين الذي يظهر خلال أحداث الفيلم بدور الشايب كضيف شرف، والفيلم من تأليف صلاح الجهيني، وإخراج طارق العريان.
