«البطة الصفرا» نجوم العمل لـ العاصمة: ادخلوا الفيلم عشان تتعرفوا عليها
كتب: محمد المصرى
احتفل مساء أمس أبطال وصناع فيلم البطة الصفرا داخل سينما مول مصر وسادت حالة من البهجة والسعادة على جميع الحضور خصوصا بعد انتهاء العرض الخاص للفيلم الذى لاقى إعجاب واستحسان الحضور لما يحمله من كوميديا دسمة بعيدة عن الإسفاف والابتذال.
محمد عبد الرحمن للعاصمة تعبنا كتير فى التصوير وربنا يوفقنا
وتحدث نجم الفيلم محمد عبد الرحمن توتا لـ العاصمة قائلا تعبنا كتير فى التصوير والتحضيرات وربنا يوفقنا يارب ونقدر نكون قدمنا حاجة كويسة للجمهور وبشكر كل فريق العمل وأولهم النجمة غادة عادل على كل حاجة بذلوها فى الفيلم عشان يطلع بالشكل دة وإن شاء الله نكون عند حسن ظن الجميع.
غادة عادل للعاصمة مبسوطة جدا بالفيلم دة وبالتعاون مع توتا
وأكدت النجمة غادة عادل بطلة العمل للعاصمة معبرة عن سعادتها الكبيرة بالتعاون مع نجوم الفيلم والفنان محمد عبد الرحمن مؤكدة الفيلم هيعجبكوا أوى وفية مفاجأت وحاجات كتير حلوة هتشوفوها وهتلاقونى فى الفيلم بشكل مختلف عن اى كوميديا قدمتها قبل كدة ويارب ننال إعجاب المشاهدين.
فرح الزاهد للعاصمة كنت خايفة جدا بس الكل ساعدنى ووقف جنبى
وأكدت الفنانة فرح الزاهد للعاصمة عن خوفها الشديد من تلك التجربة مؤكدة كنت خايفة جدا بس كل فريق العمل وقف جنبى وساندنى وبشكرهم كلهم وعن دورى فى الفيلم اتمنى تشوفوا حاجة كويسة وتعجبكوا يارب واكون عند حسن ظن الجميع.
أبطال فيلم البطة الصفرا
فيلم البطة الصفرا من بطولة محمد عبد الرحمن وغادة عادل ومحمود حافظ وصلاح عبد الله وفرح الزاهد وإبرام سمير وحسن أبو الروس وعمرو رمزى والفيلم من تأليف محمود عزت وإخراج عصام نصار ويذكر أن محمد عبد الرحمن توتا يعرض له في السينمات حالياً فيلم البعبع مع أمير كرارة وياسمين صبرى وباسم سمرة ومحمد أنور وإخراج حسين المنباوى كما يشارك كضيف شرف في فيلم بيت الروبى مع كريم عبد العزيز وكريم محمود عبد العزيز ونور اللبنانية وتارا عماد وإخراج بيتر ميمي، ولمشاهدة العرض الخاص اضغط هنا
