مصطفى كامل: هاني شاكر أهم صفحات حياتي وعمرو دياب عارف هو عايز إيه

عبر مصطفى كامل، نقيب المهن الموسيقية، عن رأيه بعدد من المطربين المصرييين، وجاء ذلك خلال لقاءه ببرنامج "من الأخر" المذاع عبر فضائية on.

وقال مصطفى كامل، "محمد منير العقل الجميل اللي كل ما أقعد معاه أحس إن الفنان لازم يكون مثقف، ومحمد فؤاد أنتيم كل حاجة سواء النجاح أو الرخامة أكتر شخص رخمنا على بعض في الحياة، مرة اختلافنا فترة وطلع هو مضايق، وأنا مضايق في مكتبي وفي حد كل ما ييجي مكتبي يقولي خلي بالك فؤاد بيعمل ألبوم هيكسر الدنيا فأنا أضايق إنه هيعمل حاجة تكسر الدنيا وإحنا كنا بنعاند في بعض بالوقت ده".

واستكملن "في فترة خلافي مع محمد فؤاد كنت بقدم مطرب جديد أنا مقتنع بيه اسمه بهاء سلطان كنت قاعد بديله حياتي كلها وعايز أنجح بيه".

وعن هاني شاكر قال "لو افترضنا إن مشوار حياتي كتاب أو كشكول صغير فـ هاني شاكر من أهم صفحاته، وعمرو دياب هو الوحيد اللي عارف هو عايز ايه".

أما عن تجربة الهضبة عمرو دياب، فقال مصطفى كامل، "روحنا لعمرو دياب نقول له اللي أنت بتعمله ده غلط وأنت كده بتضيع نفسك، فقال لو مكسرتش العالم اللي أنتوا عايزينه أعملوه، فينزل غنوة (يا نور العين) وتدربك العالم العربي".