رانيا يوسف: أنا مش جريئة بس مختلفة.. وربيت بناتي على الحرية
كتب: نسرين إبراهيم
أكدت الفنانة رانيا يوسف، أنها لا تسعى لإثارة الجدل بتصرفاتها، ولكنها تعيش حياتها بشكل طبيعي، مشيرة إلى أنها تترك مساحة من الحرية لابنتيها وتتعامل معهما كصديقة لهما.
وقالت رانيا يوسف، في تصريحات تليفزيونية: "أنا مش جريئة، أنا مختلفة ومش بحاول أثير الجدل، أنا عايشة حياتي طبيعي بلبس اللي بيعجبني ويليق عليا، ويمكن ده مختلف عن المجتمع المصري، لأن المجتمع المصري شوية متحفظ".
وأضافت: "أنا تربيتي مختلفة فيها شوية جرأة، لأن اتربيت في جو في مساحة من الحرية، بيخليني اختار اللى أنا عايزاه، واخد قرارتي بنفسي، وفي الآخر أنا اللى بشيل نتيجة قرارتي".
وعن طريقة التربية التي تتبعها مع ابنتيها، قالت: "طبعا بعلم بناتي يأخدوا قرارتهم بنفسهم، ولازم يكون في مساحة من الحرية، لأنهم لازم يعيشوا الحياة الطبيعية.. عمري ما أدخل في لبسهم ولا دراستهم، ولا صحابهم ما بدخلش كتير إلا لو لقيت حاجة محتاجة اتكلم فيها.. عموما أنا وبناتي أصحاب".
واستكملت: "أنا بالنسبة ليا الهجوم مش بيفرق معايا، لأن أنا عارفة طول ما أنا مابأذيش حد وتصرفاتي أو لبسي حرية شخصية محدش له عندي حاجة".
اقرأ أيضا: عمرو سلامة: انفصلت عن زوجتي الأولى بشكل متحضر رغم الحب بيننا
View this post on Instagram
