عمرو سلامة: «انفصلت عن زوجتي الأولى رغم حبي لها»

كشف المخرج عمرو سلامة، عن تفاصيل في حياته الشخصية وعن سبب الانفصال عن زوجته الأولى، رغم وجود الحب بينهما.

قال عمرو سلامة، أن طلاقه الأول تم بشكل متحضر وانفصل عن زوجته بسبب تغييرات في شخصيتهما ورؤيتهما للمستقبل على الرغم من أن الحب كان موجود بينهما.

وتحدث عمرو سلامة، خلال حوار له مع برنامج "The you in in human"، عن الفرق بين زواجه الأول والثاني،  قائلا: "الفرق بين أول مرة اتجوز وتاني مرة اتجوز هو أن أول مرة كنت عايز اتجوز وقابلت واحدة وعجبتني فاتجوزنا بس كنت شايف اني عايز اتجوز وقابلت حد فاتجوزنا فكان الجواز في خطتي ودة مكنش ضغط من المجتمع وكنت بدور على مواصفات معينة لأي حاجة في حياتي من بينهم مراتي وقابلت واحد حبيتها وكان فيها المعايير وانا كنت ليها بردة ملائم للصفات اللي عايزاها".

وأضاف: "كنا في علاقة جيدة ومكناش بنتخانق وحتى لما اتفقنا على الطلاق قررنا نقعد ونتكلم مع بعض وسالتها في الأول هل لو قابلتيني دلوقتي بشخصيتي الحالية هترتبطي بيا فكان ردها لا لأن شخصيتي الحالية وطريقة حياتي اختلفت فحتى لو في مشاعر بينا مكناش هنحب نرتبط ببعض تاني وانا كنت حاسس بتأنيب الضمير لأن أنا اللي اتغيرت اكتر وبعد الجواز ب7 سنين شخصيتي اختلفت تماما."

وتابع: "اعتقد أن الشخصيات هتتغير بعد الجواز والاهتمامات هتتغير بس المهم أن خطتنا تبقى واحدة وعندنا نفس التصور والاهداف المشتركة لكن أنا في جوازي الأول اختلفت شكل حياتنا ودة جعلنا مدركين أننا حتى لو في مشاعر بينا مش هينفع نكمل واحنا طلاقنا كان متحضر جدا، احنا يوم طلاقنا خرجنا شربنا قهوة".

اقرأ أيضا: ابنة مديحة سالم تكشف أسرارا عن حياة والدتها.. وعلاقة تحية كاريوكا بزواجها من والدها