«الراجل اللي ميحبينيش شيطان وعديم الشخصية».. أبرز تصريحات ياسمين صبري مع عمرو أديب (فيديو)
كتب: شاهيناز خليفة
تحدثت الفنانة ياسمين صبري، عن حياتها الفنية والشخصية وذلك خلال لقائها مع الإعلامي عمرو أديب في برنامج الحكاية المذاع عبر شاشة MBC مصر.
وعقب لقائها، تصدر اسم ياسمين صبري الترند على السوشيال ميديا بسبب تصريحاتها عن الإنجاب وتشبيهها بجورجينا وغيرها من التصريحات المثيرة للجدل.
وترصد «العاصمة» أبرز تصريحات ياسمين صبري:
- أختي لسة مخلفة في نيويورك، وكان عندي شعور غريب إنه هي دي بتاعتك؟ حاجة جميلة جدًا ولسة عندها 6 أشهر.
- الإنسان لما يقرر يجيب أطفال، لازم يكون مهيأ نفسيا وبيته مهيأ نفسيًا، عشان الطفل لا يعيش في عصبية وصريخ ودراما، أنا دارسة علم نفس، والطفل بداية من 5 سنوات بيتأثر بكل حاجة وشخصيته تتكون، الأطفال حاجة جميلة أوي لكن لازم الناس تبقى عارفة هتعمل إيه.
- نفسى أعمل براند ميك أب بتاعي، وأحط فيه كل مشاكلي؛ لأن أنا بنت بتعامل مع الكاميرا وعارفة يعنى إيه كاميرا أو إضاءة ويعني إيه بشرة بتتعب.
- وإحنا بنروح معمل؛ لأن المكياج بيتعمل في معامل مش مصانع، وبقوله إن عاوزة البراند بتاعي من النبات ويكون مرطب للشفايف مثلا، أو عاوزة حاجة أورجانيك ميكونش فيها كيماويات، لكن لسه المشروع مخرجش وبشوف اسم مناسب ليه.
- مفكرتش أعمل برنامج أو كورسات للميك أب؛ لأنه مش تخصصي، لكن أنا حاليا بدرس علم نفس بعد ما قرأت كتب كثيرة لدكاترة في جامعة هارفرد وقت الكورونا.
- كنت بشيل صاج الكحك في العيد وباكله وأنا راجعة على السلم، وتيتا كانت بتشتكي إن الكحك قليل وكنت بقولها اه الراجل غش في الكحك وأنا اللي باكل الكحك وانا على السلم.
- أنا أتحب ودي حقيقة أنا عارفها كويس وأنا إنسانة واقعية ولا أحب التمثيل على الناس، وكمان أنا بنت بلد ومحافظة جدا وأفتخر.
- أي رجل بيشوفني بيحبني، لكن اللي مبيحبينش هو الشيطان وده شخص عديم الإنسانية.
- الانتقام ده تضييع وقت، وبيخلي الشخص التاني يحس أني مهتمة بيه، وأنا مش عندي أي أعداء، ولا خلافات، وأنا مفيش حد عمل فيا حاجة.
- واجابت ياسمين صبري على سؤال عمرو أديب وهو أن هل الحلاوة والجمال بيدوا حظ للشخص، لتجيب قائلة: «طبعا بيزيد من الحظ ولكن ممكن كمال الجمال يضيع الحظ لو أساءت المرأة استخدامه».
- أما عن ممارستها للرياضة والسباحة، قالت ياسمين صبري أنها استمرت في ممارسة الرياضة بعد سن الـ 18 عاما لأنها لا تستطيع التوقف عن ممارسة الرياضة، قائلة: «لو توقفت عن ممارسة الرياضة جسمي يوجعني».
- وأوضحت أن سبب ليقاتها ومرونتها هو ممارستها لليوجا، قائلة: «بقعد في اليوجا جسمي ثابت كده بس عقلي روحي في حتة تانية».
- الرياضة والحديد بيعمل تقسيم للجسم وبيخلي الست تبقى شبه الحصان، وأنا بحب النوع ده من الجمال بتبقى ممشوقة القوام وعضلاتها مرسومة مثل خشب الأبانوس.
- الدنيا جميلة ودي فلسفتي في الحياة بس على حسب أنت لابس انهي نضارة.
- الناس بتنتقدني على أني بصور القهوة بتاعتي وفاكرين أن ده شغلي، لكن أنا في الحقيقة مش بحب أصدر التعب والمجهود، وبصور الجانب الإيجابي.
- الممثل مش بس بشغل التمثيل فقط هو براند، وأنها من الممكن أن تقوم بالعمل لمدة 18 ساعة لتصوير 20 ثانية.
- فضلت أن تكون محاميه لو لم تكن ممثلة بسبب أنها تستطيع أن تتناقش وصبورة جدا ومرنة جدا نفسيا، وأنها لا تكون أي عداءات وتقوم بتطوير نفسها يوميا.
