تعرف على سبب حذف أصالة لصورها عبر انستجرام.. وما علاقة ذلك بزوجها ؟

فوجئ جمهور المطربة السورية أصالة، بحذف صورة لها بعد أن قامت بنشرها عبر حسابها بموقع تبادل الصور والفيديوهات، انستجرام.

وعادت أصالة ونشرت مجموعة من الصور المجمعة لها لأغنية "لحقت نفسي" استعدادًا لطرحها بالألبوم الجديد.

وكتبت أصالة عليها معلقة:" بقدملكم كل الأوقات الحلوة المليانة محبه وصحبه وعمل دؤوب لإنجاز مشاهد من مواقف من مشاعر … أغاني بتحكي عني وبتحكي عنكم ... عشنا أنا وحبيبي شريكي وصديق الروح فايق أيام طويله بأماكن كتيرة لنرسم كلة صورة وكيف لازم تطلع بأحلى وأطيب مايمكن".

واستكملت:" بدي أشكر كل صديق عزيز موجود اسمه بالأغاني الستة اللي رح تسمعوها وبعد وقت قليل رح أتبعهم بست أغاني بتقديم مختلف .. وشكرا لأخي وسندي أنوس وفريق كبير معه بيساندني وبيفكر لي، وشركة كبيرة مجتهده رائدة بالموسيقى وكتير من باقي الفنون بيتي الحنون (روتانا ) وكل اللي فيها يشتغلوا بحب وبتحس إنهم ولاد الشركة الكبار … وإدارة أعمالي صديقي طوني سمعان موجود معي بكل صغيرة وكبيرة وكل عيلتي اللي رأيهم بيهمني وكل أصحابي اللي برروا غيابي وقد ما اشتاقوا لي اشتقت … الموسيقى وطن رح ننضم إله أنتوا وأنا لنسمع نفس الحكايه بذات الوقت".

وأضافت:" مابخفيكم خايفة وكأني أول مرة رح قدم لكم أغاني ... كتير تعلقت بكل أغنية غنيتها ويمكن فيه أغاني عدتهم أكتر من عشر مرات وبكل مرة كنت عم دور على ست أنا بعرفها والقصة قصتها عندها شخصية ضروري تكون حلوة والجمال اللي بشوفه فيها بتمنى تشوفوه متلي بتمنى الأغاني تخللي أوقاتكم حلوة".

وأنهت حديثها قائلة:" كل المحبة وكل الإمتنان على أيام كتيرة ساندتوني فيها وقوًيتوني وفيكم كبرت … هلأ أنا عم رد محبّتكم بمحبّه بموسيقى بإخلاص بالإبقاء على التزام اللي من خلاله بدينا سوا وكبرنا سوا وكلنا محبين الفن وأهله ..اللي عم قدمه بطريقتي لوطني الغالي (الموسيقى) هو أحلى وأغلى ماعندي بفضل الله .. ورح أحكي تباعا عن كل أغنية على حدن ... حبايبي راح يكون بأول أكتوبر بين إيديكم بعض من روحي على شكل أغاني ومتل مابدينا مكملين".