أول تعليق من والدة أحمد سامي العدل بعد وفاته: «آه على الوجع»

عبرت الإعلامية ماجدة نور الدين، عن شديد حزنها على رحيل نجلها أحمد سامي العدل، أمس بشكل مفاجئ، بعد تعرضه لعدد من جلطات الرئة خلال الفترة الماضية.

ونشرت ماجدة نور الدين، صورة لنجلها عبر حسابها بموقع التواصل الاجتماعي "فيسبوك"، وعلقت عليها قائلة: "مع السلامة يا حبيب قلب أمك، مع السلامة يا ضنايا، مع السلامة يا أحمد، مع السلامة يا ابني يا قلبي يا عمري، وآه على الوجع يا حبيبي، يا ابني، يا ابن عمري يا أحمد، مع السلامة".

اللحظات الأخيرة في حياة أحمد سامي العدل

فيما كشفت رشا العدل، عن الساعة الأخيرة من حياة نجلها، عبر منشور لها قالت به:" قاعدين على البحر في دهب في ساعة غروب بنضحك وبنعيط سوا ونشتكي لبعض قد إيه أبونا وحشنا وقد إيه الحياة من غيره صعبة فضفضنا لبعض ووعدنا بعض بحاجات كتير".

واستكملت:" رجع القاهرة على وعد بلقاء قريب نتجمع فيه تاني، وجيه اللقاء بعد مكالمة تليفون الحقي أخوكي تعبان في المستشفى جريت عليه لقيت التعب والألم زايدين على عمره عمرين مش عارف يتنفس وكلامه بصعوبة، قعدت أكلمه وأضحكه وأحاول أهون عليه شوية واسيبه يرتاح شوية.

وأضافت عن أحمد سامي العدل: وفي عز محاولاتي نقله لمستشفى تانية فقد نبض قلبه لثواني قدامي، اتخضيت الدكاترة طمنوني وقالوا مفيش حاجة أهو زي الفل، بس قلبي وجعني ولقيتني بقول له عايزاك تسبح وتقول الشهادة معايا وتفضل تقول كل القرآن اللي أنت حافظه، يا دوبك لفيت ظهري ولسة هاخرج اشوف موضوع الإسعاف ونقله.

وأنهت حديثها: لقيت دكاترة وممرضين في كل حتة حوالين أحمد بيحاولوا ينعشوه 38 دقيقة على الساعة محاولات وأنا واقفة قدامه قلبي بيتقطع وروحي أنا بتطلع مني ماسكة في خيط أمل من الدخان اتقطع بـ آخر نفس منه وراح أحمد، أخويا الصغير الطيب الحنين الهادي.