أمير شاهين: موافق أختي في التبرع بالأعضاء ومفيش نمبر وان

فجر الفنان المصري أمير شاهين، عدة تصريحات خلال برنامج  free time الذي تقدمه الإعلامية نسمهار الصغير  والإعلامية يارا أحمد على شاشة قناة هي الفضائية.

وقال أمير شاهين: "مفيش حاجة اسمها نمبر في السنيما أو الدراما لأن في فنانين كتير كلهم صف أول وناجحين جدًا وبيعملوا إيرادات كبيرة جدًا فكلمة نمبر هي كلمة كبيرة.

وتابع أمير شاهين أنه راضي عن نفسه وعن أداءه وجوده في الأعمال الفنية آخر فترة وأن كلهم شخصيات جديدة وعجبت الجمهور. 

واستكمل أمير شاهين: كل تصريحات الفنانة إلهام شاهين بتفتح النار عليها وهي دايما مثيرة للجدل هي صريحة زيادة عن اللزوم وبتجادل معاها أنها ليه قالت كده في تصريحات معينة ولكن في الآخر بدعمها في كل آراءها.

وأوضح الفنان أمير شاهين أنه يوافق الفنانة إلهام شاهين في تصريحها بالتبرع بأعضاء الجسد بعد الوفاة وأن ده حاجة إنسانية وخير وموجود في أوروبا ولو بقيت شرعية في مصر أنا هتبرع بأعضاء جسمي.

وأردف أمير شاهين: أنا من أوائل أولاد الفنانيين اللي ظهروا وكان دايما بيتقال من وأنا صغير أني بشتغل علشان أختي ولكن الحمد لله أنا قدرت أثبت نفسي واشتغلت مع مخرجين كبار ماحدش يقدر يفرض عليهم حد زي المخرج محمد سامي والأستاذ علي عبد الخالق.

وأشار الفنان أمير شاهين إلى أن الواسطة في المجال الفني عطلتني ولكن في الآخر الموهبة هي اللي خلتني أوصل للجمهور وأخذت جائزة مهرجان إسكندرية أحسن ممثل شاب وجائزة المهرجان الكاثوليكي.