شيرين: جريت ورا مخرج بـ «الشبشب» في الشارع عشان شتمني بأبويا (تفاصيل)

كشفت الفنانة شيرين عن حادثة تعدت فيها بالضرب على زميلها أثناء عرض مسرحي في نادي الشمس.

وقالت شيرين عبر برنامج "قعدة ستات": إنها كانت مرتبطة بتصوير أحد مشاهد فيلم "بخيت وعديلة - الجردل والكنكة"، بالتزامن مع أحد عروضها المسرحية عندما شهدت الكواليس موقفًا غير متوقع بعدما تأخر زميلها عن ميعاده وعرض المسرحية كان من المفترض أن يبدأ في السادسة ولكن بدأ في السابعة بسبب تأخره.

وتابعت شيرين: كنا بنعمل مسرحية والمفروض نعرضها في نادي الشمس، وسافرت من اسكندرية علشان أعرض الساعة 6 وأخلص 9، وأرجع اسكندرية أصور الفيلم الساعة 11 والممثل اتأخر فبدأنا 7 وعطل المكرفون بتاعي فاضطريت اتكلم مع الجمهور من غيره.

وأردفت شيرين: بعد ما خلصت الفصل الأول قلت للمنتج أمير سيدهم إني مروحة لإني التزمت بالمواعيد، وأحد الزملاء في المسرحية نادى في الميكروفون يا أهالي نادي الشمس الفنانة شيرين ماشية، والناس مش عارفة ليه قررت أمشي وأنا ست ملتزمة"

وتابعت "لقيت المخرج بيقولي إنتي خلاص بقيتي فاتن حمامة، الشغلانة باظت، وشتم أبويا المتوفي، قلعت فردة الجزمة وجريت ورا المخرج في الشارع، ومدير الإنتاج جري ورايا ومسكني جامد فعضيته وكملت جري ورا المخرج، وكان شرطي علشان أكمل تصوير إن المخرج مايتكلمش معايا ولا كلمة، وأي ملاحظة خاصة بمشاهدي يقولها للمساعد بتاعه" 

وأضافت: "بعد ما روحت اسكندرية، والصبح وأنا بعمل مكياج، لقيت عادل إمام داخل، وسألني إيه المكتوب في الجرايد ده، إنتي كويسة؟ أنا لغيت التصوير لإني خوفت ترجعي بالليل وتعملي حادثة".