«ساندي»... حاسه إني نجحت في اختبار الدنيا ومش خايفة من الموت

كشفت الفنانة ساندي عن مفاجأة بخصوص قرار اعتزالها السابق، وهو أنه تم فرضه عليها، بسبب مشكلة في صوتها، وهو ما اضطرها لعدم الكلام لمدة 3 شهور علي الأقل بناء على قرار الأطباء.

وقالت: «في الوقت ده كان عندي مشاكل كتيرة، كنت بنفصل ورافعة قضية، ومضغوط عليا جدا فكنت حابة إني سيب تليفوني وأبعد خالص وكان عندي مشكلة صحية كبيرة».

نظرتها للموت

وأوضحت أنها أصبحت تنظر بطريقة مختلفة للموت جعلتها تغير فكرتها عن حياة الإنسان ودوره فيها.

واستطردت ساندي خلال لقائها في برنامج واحد من الناس مع الإعلامي عمرو الليثي علي قناة الحياة: «أنا مستعدة للموت جدًا، ومن كتر اللي انا شايفاه، الموضوع بوضوح إني مش بقيت بزعل على اللي بيموتوا، بالعكس باعتبرهم محظوظين، لأنهم خلصوا رسالتهم».

وأضافت: «عندي إحساس كبير إني حليت امتحاني كويس، وربنا سبحانه وتعالى بيقوي بصيرة الشخص لما يكون قريب منه فعلا».

وعن وصيتها قبل رحيلها، قالت ساندي: «مقدرش أوصي الناس بحاجة، بس عارفة إن سيرتي هتبقى كويسة».

وعن رأيها في التبرع بأعضائها بعد وفاتها، قالت: «لا أمانع لأن الجسد ليس الموضوع، الجسد عباءة نؤدي بها دورنا».

أعمال ساندي الأخيرة

وكان آخر ألبومات ساندي هو «اتنين فى واحدة»، وضم 8 أغنيات متنوعة من الرومانسى والدراما.