جمال عبد الحميد: «عملنا كل حاجة عشان نتصالح مع الأهلي لكنه رفض»
كتب: محمد عبد الحارس
علق جمال عبدالحميد، عضو مجلس إدارة نادي الزمالك السابق، على زيارة مجلس إدارة النادي الأهلي للقلعة البيضاء، اليوم الإثنين، تلبيةً للدعوة التي تلقاها قبل فترة من مجلس إدارة الزمالك برئاسة حسين لبيب.
وقال «عبدالحميد» في تصريحات تليفزيونية: «حاجة كويسة إن مجلس إدارة الزمالك يدعو الأهلي لزيارة النادي، لأن الناس عاوزة تعمل ود بين الناديين عشان الجماهير تهدى».
تصريح غير متوقع من جمال عبد الحميد على زيارة وفد الأهلي لنادي الزمالك: الأهلي قرر يزورنا واحنا في ضعف، لكن وقت القوة فتحنا باب الصلح كتير فكانوا بيرفعوا علينا قضايا!!
— MBC مصر (@mbcmasr) February 19, 2024
يعرض الآن مجاناً على شاهدhttps://t.co/kekWiE9Iks #يا_مساء_الأنوار#MBCMASR pic.twitter.com/BvfKN1VMMo
وأضاف عضو الزمالك السابق: «المجلس بتاعنا بقيادة المستشار مرتضى منصور، وإحنا في مركز قوى لما خدنا اتنين دوري وكأس، دعينا ومدينا أيدينا للأهلي عشان يشرفونا وينورونا لإزالة الخلافات، والأمر مالوش أي علاقة بالقضايا اللي كانت مرفوعة علينا، كان هدفنا الأساسي هو تهدئة الجماهير».
وتابع: «طلبنا من مجلس الأهلي زيارة نادي الزمالك، أو إحنا نروح لزيارة الأهلي، ويبقى إحنا ابتدينا بالمبادرة، ولكن فوجئنا برد الفعل، أترفع علينا قضايا أكتر من اللي عندنا، اتحجز علينا عشان نحرم نفوز بدوري وكأس اتحرمنا من كل حاجة وكنا بنحفر في الصخر)».
وأكمل: «دلوقتي النادي الأهلي جاي نادي الزمالك، طيب مجاش ليه واحنا مدينله إيدينا! حتى لو كان في خلاف مع مرتضى منصور، إحنا قدمنا كل حاجة عشان نتصالح».
واختتم: «كل التحية لمجلس الزمالك الحالي إنه قدر يجيب مجلس إدارة الأهلي لزيارة النادي».
ويزور مجلس النادي الأهلي مقر نادي الزمالك اليوم الإثنين، ترسيخًا للعلاقات الوطيدة بين الناديين الكبيرين وجماهيرهما العريقة على مر العصور والأجيال.
