القبض على السائق المتهم بمحاولة خطف فتاة بطريق السويس في الشروق

ألقت أجهزة الأمن بالقاهرة القبض على   السائق  المتهم بمحاولة خطف فتاة بطريق السويس فى الشروق  ما تسبب لها في إصابات عديدة نزيف داخلي كسور وسحجات وتم نقلها إلى المستشفى على اثر ذلك.

وقال مصدر أمنى إن أجهزة الأمن تفحص الواقعة للوقوف على ملابساتها والوصول للمتهم حيث وقعت بنطاق منطقة الشروق .

تعرض فتاة لمحاولة اختطاف داخل سيارة تابعة لشركة توصيل شهيرة بالقاهرة

وتداول رواد منشورات لواقعة تعرض فتاة تدعى حبيبة الشماع لمحاولة اختطاف. 

وجاء فى منشور متداول على نطاق واسع  لأحدى قريباتها " 

 أنا بكتب الpost ده علشان أحكي ليكم اللي حصل لبنت عمي علشان أولا عاوزاكم تدعولها ربنا يشفيها ويرجعها لينا بالسلامة حالتها لسه في خطر.

وأضافت: حبيبة فاقدة الوعي وعندها نزيف في المخ مش بيوقف ومحطوطة على ventilator. 

وتابعت: ثانيا خدو بالكم من نفسكم ومن بناتكم الناس بقوا مؤذيين ربنا يبعد عنا شرور الناس وأن حبيبة استقلت سيارة من التجمع الأول  وكانت رايحة مصر الجديدة الساعة ٦:٥٠ مامتها كلمتها في التليفون مكنتش سمعاها كويس علشان صوت الكاسيت كان عالي أوي والراجل كان بيتخانق فالتليفون حبيبة طلبت منه يوطي الكاسيت قالها لاء وكان بيبرطم بالكلام مامتها مكنتش سامعه هو بيقول إيه قالتلها ماله ده حبيبة قالت لها مش عارفه ماله وقفلت بعدها.

وواصلت: أصحاب حبيبة كلموها يشوفها وصلت فين رد عليهم واحد قال لهم صاحبت التليفون دي وقعت من العربية قعدت تتشقلب لحد مخبطت في الحاجز الأسمنت اللي على طريق السويس ولما راح يسألها إيه اللي حصلك قالت Uber كان عاوز يخطفني وجالها تشنجات وفقدت الوعي.

وأكملت: أنا معرفش حصل إيه يخوفها بالشكل ده ترمي نفسها والعربية بتجري بس أنا عارفة كويس إن حبيبة بتخاف على نفسها وأكيد هو رعبها والسواق اختفى بعد ما وقعت ولا طلب إسعاف ولا وقفلها وقفل موبيله. 

واختتمت: أنا عاوزة أختي ترجعلنا ادعولنا أنا عاوزة أجيب حقها ربنا ينتقم منه أشد انتقام.