داليا مصطفى تعلن إصابتها بمرض السكر: مش مكسوفة وأنا لابسه الجهاز

أعلنت الفنانة داليا مصطفى عن إصابتها بمرض السكر، حيث كشفت عن سبب ارتدائها لجهاز على ذراعها، الذي ظهر في إحدى الصور التي نشرتها، كما وجهت نصيحة لجميع مرضى السكر، بأن يتجاهلوا التنمر والحديث السلبي من الآخرين.

وقالت داليا مصطفى، خلال فيديو نشرته عبر حسابها الرسمي بموقع الصور والفيديوهات انستجرام: أنا كنت منزلة صورة أنا وأختي وكنت مركبة جهاز مرض السكر في دراعي، وبعد ما نزلتها لقيت أمهات كتير بعتولي وناس منظمة لمعارض السكر كلموني وشجعوني إني لابساه ومش مكسوفة، الأمهات قالولي شكرا إنك طلعتي بيه عادي بالمنظر ده.

وتابعت: وده خلى أولادنا عندهم ثقة إنهم يلبسوه عادي، ويمكن إحنا معندناش التوعية دي، ومفيش داعي للتنمر، وعلى فكرة مش فارقة ومش مهم رأي أي حد فيا، والجهاز ده ريحني جدا وسكري قبل كدة كان صعب، بشجع كل الأطفال والناس مرضى السكر إنهم يلبسوه، وميفرقش معاهم حد وكل واحد بيبقى شايل هم شكله قدام الناس.

داليا مصطفى: الحقيقة إن كل واحد مشغول بحاله

واختتمت الفنانة داليا مصطفى: لكن الحقيقة إن كل واحد مشغول بحاله، وفكروا في نفسكم بس.