شريف إدريس يكشف عن تفاصيل حالته الصحية: «دموعي نزلت من كتر الألم»

كشف الفنان شريف إدريس عن تعرضه لـ«وعكة صحية» خلال الساعات الماضية، وطمأن محبيه على حالته، ووصف ما مر به أنه عاش ألما لا يمكن وصفه.

وكتب شريف إدريس عبر حسابه على موقع "فيسبوك": "صباح الخير… شكرا من قلبي لكل الحبايب اللي بيحاولو يطمنوا عليا من امبارح وبعتذر عن عدم ردي. باختصار شديد بقالي فتره ضهري تاعبني ومأثر على رجلي لأن عندي انزلاق غضروفي في الفقرات القطنية أهملته، وكنت بستحمل وماشي بمسكنات، امبارح كنت بجيب حاجات للبيت مع مراتي وبدأت اتعب بشكل غير طبيعي وفجأه حصلي تخشب تام في الجزء السفلي مع كل أنواع الألم اللي ممكن تتخيلوه".

وتابع شريف إدريس حكايته: "حاولت اتحمل واخد مسكن لكن الوضع تحول إني في لحظة حسيت أن ضهري هيتكسر حرفيا وألم في جميع أطراف رجليا الاتنين ودموعي نزلت من كتر الألم حقيقي، روحت مستشفى وادي النيل اللي بشكر كل طاقم الطوارئ فيها، عملوا أشعة مبدئية الدكتور قالي أنا كنت هدخلك تعمل رنين بس من اللي شايفة من الأشعة مش هينفع ومش هتقدر تستحمل حتى جهاز الرنين ووراني شكل عضلات ضهري وهي تشنج حرفيا، علقولي محاليل مسكنات وكتبلي أدوية أمشي عليها لمدة خمس أيام راحة تامة، وبعد كده أعمل رنين وابدأ رحلة علاج".

واختتم رسالته: "بس بأمانه أنا شفت وحسيت بألم لا يمكن وصفه نتيجة إلتهاب حاد في الأعصاب، الحمد لله علي كل شيء بشكركم جميعا".

يذكر أن شريف إدريس شارك في رمضان 2023 بمسلسل "سوق الكانتو".

اقرأ أيضا: مَنْ هم ضحايا رامز جلال في رمضان 2024؟