محمد سامي: افتقدت تامر حسني وقت خلافنا مع بعض
كتب: مؤمن نصر
علق المخرج محمد سامي على وجود خلاف سابق مع الفنان تامر حسني.
وقال سامي: "مرة حصل بيني وبين تامر خلاف كبير والناس متعرفش الموضوع ده، وكنت بعدها مفتقده جدًا، لحد ما شفته صدفة وضحكنا لبعض، وقلتله مفتقدك جدًا في المكالمة الساعتين اللي نصها ضحك، لأنه أخف دم في العالم".
وتابع: "أنا أكتر واحد اشتغل مع تامر حسني في الوطن العربي، عملت معاه اعلانات وكليبات ومسلسل، ازاي مفيش بيننا كيميا، وبعدين تامر دلوقتي مخرج زميل، وكله إلا تامر حسني، أنا عندي الوسط الفني في كفة وتامر في كفة".
واختتم محمد سامي حديثه قائلًا: "أنا كلمت تامر حسني لما اختلفت في وجهات النظر أنا وأنغام في مسلسل نسل الأغراب، وعملي أغاني قيمتها ملايين من غير ولا مليم، ونزل بات في الاستوديو كأنه مسلسل بطولته"، وجاء ذلك خلال استضافته ببرنامج "أسرار" مع الإعلامية أميرة بدر المذاع على قناة النهار.
اقرأ أيضاً: محمد سامي: اتهاجمت في مسلسل «نسل الأغراب» وربنا جابلي حقي
عرض هذا المنشور على Instagram
