أحمد حسام ميدو: الستات لازم توصل لأولادها تعب أبوهم

علق الكابتن أحمد حسام ميدو على تأثره بوفاة والده وحبه الشديد له قائلًأ: "تأثرت بوفاة أبويا وكان بيشتغل اكتر من شغلانة وكان راجل بجد، وكان جدع وطيب".

وقال ميدو خلال استضافته ببرنامج "أسرار" مع الإعلامية أميرة بدر المذاع على قناة النهار: "عرفت أن أبويا مات من قبل ما اي حد يقولي، مراتي وهي جاية تجري عليا عالبوول عرفت ان ابويا مات من غير ماتقولي". 

وأضاف ميدو قائلًا: "مرة كنت باخده لفة بعربيتي لأن أنا وهو بنحب العربيات أوي، وخدت لفة حلوة في شارع الميرغني،وبعد ما خلصت قالي يابن الذين كان لازم تجيب العربية دي بدري شوية، ودي اخر مرة شفته فيها، كان عارف وحاسس انه هيموت، رغم انه مكنش عنده أي مرض ولا اي حاجة تعباه وكان عنده حوالي 75 سنة، كان زعلان مني في حاجة وقالي عليها قبل ما يموت".

واستكمل كلامه قائلًا: "الستات اللي طالعة دلوقتي مبتوصلش لأولادها قد إيه الأب بيتعب".

تفاصيل برنامج "أسرار"

برنامج "أسرار" تقدمه الإعلامية أميرة بدر على شاشة النهار يومياً في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

اقرأ أيضا: «هل هلاله» عمل غنائي جديد يجمع أحمد العتباني وتامر مهدى