مها أحمد: رفضت منصب مهم لأني مش بحب الروتين
كتب: مؤمن نصر
علقت الفنانة مها أحمد على تضيعها للفرص خلال فترة في حياتها بسبب الكسل،
وقالت مها: "مش كسلانة في الشغل ماعدا شغل الشتا، وكسلي خسرني اني في عز الهجوم ده اتطلبت اني امسك منصب مهم للمرأة".
وقالت مها: "مش كسلانة في الشغل ماعدا شغل الشتا، وكسلي خسرني اني في عز الهجوم ده اتطلبت اني امسك منصب مهم للمرأة".
وتابعت خلال استضافتها ببرنامج "أسرار" مع الإعلامية أميرة بدر المذاع على قناة النهار بقولها: "رفضت منصب المرأة لاني مش بتاعة حاجات روتينية، ولو عايزة أخرس الالسنة كنت ممكن اقبل بالمنصب ومحدش يعرف يقولي صباح الخير حتى".
كما كشفت واقعة حدثت بينها وبين الفنان فاروق فلوكس قائلة: "عرفت لأن المسرح بيكرم الاستاذ فاروق فلوكس، فقلت لصديقتي ومديرة تحرير برامجي، بفكر اروح عشان احضر التكريم واعمله مفاجأة يمكن يفرح، قالتلي ازاي ده شتمك، رغم انى مش فاكرة اني اشتغلت معاه، فا سألت مقربين قالولي اني عملنا مسرحية مع بعض، وهو بالنسبالي تاريخ".
واختتمت حديثها قائلة: "كنت بعمل بطولة مسرحية، فكان في الشغل بيقرب مني اوي، بيلزق فيا اوي، وبيندفع بالكلام وده بيضايقني، وكان يخرج عن النص لانه كان جاي علينا جديد، ومش حافظ، فا كان يرتجل بـ كلام مينفعش يتقال على مسرح دولة، فا اشتكيت للمخرج قلت له بعد اذنك لما يجي يشتغل معايا وميقولش ألفاظ خارجة، ف الزميل المذيع والممثل، مردش حقي وبعدين قالوله في الايربيس وجه يلم الموضوع معرفش اصل الارتجال ده عايز إمكانيات".
اقرأ أيضاً: مها أحمد: «مسؤولة كبيرة في ماسبيرو قعدتني في البيت 5 سنين»
