مها أحمد: مذيعة بتنتقد ظهوري على «تيك توك» وهي طالبة من ابني يتوسطلها عشان أعمل معاها لقاء
كتب: مؤمن نصر
علقت الفنانة مها أحمد على واقعة انتقاد إحدى المذيعات ظهورها على التيك توك.
وقالت مها: "دي طلبت من ابني انه يبقى واسطة عشان اعمل معاها حوار وعملت معاها حوار كانت قاعدة تترعش، ومعرفش إنها أخت زميلة، وانا معرفهاش عشان تقول عليا بهين الفن من خلال التيك توك، بتقوليلي كلى قناة مشفرة ومذيعة مشفرة واكيد المخرج مشفر".
وقالت مها: "دي طلبت من ابني انه يبقى واسطة عشان اعمل معاها حوار وعملت معاها حوار كانت قاعدة تترعش، ومعرفش إنها أخت زميلة، وانا معرفهاش عشان تقول عليا بهين الفن من خلال التيك توك، بتقوليلي كلى قناة مشفرة ومذيعة مشفرة واكيد المخرج مشفر".
وقالت "مها" خلال استضافتها ببرنامج "أسرار" مع الإعلامية أميرة بدر المذاع على قناة النهار: "يعني انا بهين الفن؟، طيب لو كنت رضيت بأدوار إغراء وقبلات وحاجات في بداياتي كده مش بهين الفن، بقولها لو فاكرة اني ماتيريال عشان تطلع على كتافي أعتقد ممكن تكتب ع اليوتيوب اسم اختها وهي هتلاقي ماتيريال كويس وممكن يفيدها أكتر، واي حد يتطاول عليا او بيتي وجوزي معنديش غير القضاء".
كما رفضت ذكر فنان زميل لها استهزأ بها أثناء طلبها دور في أحد أعماله قائلة: "معنديش الجرأة اذكر الزميل اللي قالي هتشحتي دور لآنه مايستاهلش، وكان اكتر واحد بيتنا مفتوح له وبياكل معانا عيش وملح، وكان بيعمل فيلم قلته ايه يبني الأقربون أولى بالمعروف، قالي هو انتي هتربطي على عينك وتشحتي، هو الجري ع اكل العيش غلط او شحاتة".
واختتمت مها حديثها قائلة: "السعودية موضوع مش جديد، ومن زمان من أيام المسرح والنجوم الكبار زي الاساتذة عادل امام وسعيد صالح وسمير غانم، ده الزعيم كان بيلف العالم وكان استقباله استقبال رؤساء، ومعنديش مشكلة اشارك في اعمال خليجية، لاني بمثل بلدي، وبلدي أم الفنون وكل اللي عايز يتشهر بيجي عندنا".
اقرأ أيضاً: مها أحمد: رفضت منصب مهم لأني مش بحب الروتين
