الرئيس السيسي يوجه رسالة عن احترام وتقدير المرأة

أثناء احتفالية المرأة المصرية، ألقى الرئيس عبدالفتاح السيسي كلمة تحدث فيها عن أهمية احترام وتقدير المرأة في المجتمع. وأكد السيسي أن الله تعالى طلب منا أن نحترم ونقدر المرأة، مشددًا على أنه لا يجب زيادة المعايير والمساواة مع السيدات، ولكن ينبغي مراعاة قدرتهن وجهدهن.

أضاف الرئيس السيسي:"خالي بالكم بكلم الرجالة مبكلمش الستات خالص .. وده مش زى ما الناس بتقول على مواقع التواصل حرام عليك مبيدخلوناش البيت .. لا طبعا معقول كده؟ مش معقول يعني ..لكن بيقولوا كده انت مزودها .. بيقول انت مزودها .. لا .. مش مزودها بنحاول نوزن الحكاية.. فكل التقدير والاحترام ليكي.. كان فيه لقاء بعض الفطار .. حد منهم سألني كانت سيدة، بتقولى انت ليه يعني كده مع الستات؟.. قلتلهم الواحد لما يبقا ليه بطن مليانة ميبقاش عارف يمشى تعبان يعني.. ودي تقعد 9 شهور شايلة.. ربنا اللى قال حملته "وهنا على وهن"، والنبى وصى وقال: مين؟ أمك ثم أمك.. طيب ليه؟ أنبياء الله بيتكلموا بالوحي عن الله سبحانه وتعالي، وبنأكد علي معاني لينا كلنا، وعاوز أقول ساعات بيحصل خلافات.. ولما قلت صندوق الأسرة والمرأة المعيلة كنا حريصين على إن احنا منسبهاش أبدا منسبهاش "لايصة" وهو ساب البيت ومشي لاي سبب".

أقرأ أيضًا...

الرئيس السيسي يكرم عدد من الأمهات المثاليات ومنحهن وسام الكمال

تابع الرئيس: روحوا محكمة الزنانيرى بتاع الأحوال الشخصية.. وشوفوا مين اللى شايلة الشيلة؟.. بتكلم على اللى عنده مشكلة.. طيب اللى مفيهوش مشكلة يبقا الف بركة.. لو عندنا إنصاف في شخصيتنا ميبقاش في تركيبة شخصية الإنسان بانه لا يبالي ولا يقدر .. ويقول: احمدي ربنا إن أنا اتجوزتك .. مش شايف دي رجولة مننا لكن الناس الأفاضل الطيبيين على دماغي.. بنتنا واختنا متبقاش لايصة أبدا واحنا موجودين منبقاش رجالة".