إيهاب توفيق: أنا ضد الألفاظ الخارجة.. ورفضت أغنية بسبب «كلمة واحدة»
كتب: نسرين إبراهيم
أكد الفنان إيهاب توفيق، أنه رفض تقديم أغنية "عامل عاملة" التي قدمها عام 2004 في ألبوم "اسمك إيه"، في بداية الأمر بسبب كلمة ولكنه تراجع بعض ذلك.
وقال إيهاب توفيق خلال لقائه في برنامج "المجهول" من تقديم رودولف هلال عبر قناة LBC: "الأغنية بتاعة عامل عملة، كان فيها لفظ بيقول "حبي ليه مثبتني" قعدت 6 شهور مش عايز أغني الأغنية دي عشان كلمة "يثبتني" خايف أن اللفظ يكون تقيل أو متكونش مناسبة أن الناس تسمعها".
وتابع إيهاب توفيق: "هو لفظ مفيهوش أي غلط أو حاجة لكن كان جديد على السمع ومش متعودين نقوله في مجتمعنا العادي".
وعبر إيهاب توفيق عن انزعاجه من كلمات بعض الأغنيات التي سمعها مؤخرا، قائلا: "أنا اعتراضي على اللي بيتقدم حاليا على بعض الألفاظ اللي بتضايق في السمع متخلوش الناس تتربى وتتعلم ويبقى طبيعي أنها تقول ألفاظ خارجة عشان بتتغنى كده، في كلمات بيبقى فيها أمك وأختك ومسبات".
اقرأ أيضا: تطورات الحالة الصحية لوالد مصطفى قمر بعد خضوعه لعملية جراحية
