ميمي جمال: أنا مش صغيرة عشان أفكر في الزواج ومفيش حاجة اسمها «ونس»
كتب: نسرين إبراهيم
كشفت الفنانة ميمي جمال، عن موقفها من تجربة الزواج بعد وفاة زوجها الفنان الراحل حسن مصطفى، وأسباب ابتعادها عن التمثيل لسنوات طويلة.
وقالت ميمي جمال خلال لقائها في برنامج مع خيري، الذي يقدمه الإعلامي خيري رمضان عبر قناة المحور: "أنا مش صغيرة في السن عشان أفكر في الزواج، مفيش حاجة اسمها ونس أنا عندي ولادي بالدنيا.
سبب ابتعادها عن التمثيل
وبشأن ابتعادها عن التمثيل لسنوات قبل عودتها مرة أخرى، قالت ميمي جمال: قعدت 6 سنين بعد وفاة حسن مصطفى، ماكنتش قادرة أشتغل.. ماكنتش قادرة أخرج من الوضع، وأنا كنت قاعدة معاه في البيت السنة اللي بعد موته كنت بقعد في مكان وأجي أبص ملاقيش جنبي حد، وكنت بقوله كل يوم لفترة تصبح على خير.
وأضافت: "حسيت بالفراغ، كان في حاجة معايا مكملاني نص الهوا اللي في صدري راح، في حاجة راحت".
اقرأ أيضا: أصالة ناعية مصفف الشعر الشهير «طوني صوايا»: «صعب ألاقي زيه»
