سلوى عثمان: «مخلفتش وبعتبر التمثيل ابني وكتبته شرط في عقد الزواج»

أكدت الفنانة سلوى عثمان أنها لم ترزق بأطفال وأنها تعتبر التمثيل بمثابة ابنها، مشيرة إلى أنها كتبت في عقد زواجها شرطا على زوجها وهو عدم مطالبته لها بالاعتزال.

وقالت سلوى عثمان في لقائها ببرنامج "الستات" المذاع عبر قنوات "النهار": " مش عايزة حد يقولي اقعدي في البيت.. والناس حلوة مع بعضيها في البداية، وكنت خايفة حد يمنعني عن التمثيل، وأنا مخلفتش أولاد وبعتبر التمثيل ابني.. الموضوع بدأ لما الراجل المأذون قالي مش عايزة تكتبي في العقد حاجة خاصة بيكي كده.. ففكرت وقتها ورحت قايلة الجملة دي في ستات بتكتب حاجة معينة.. أنا بحب شغلي جدًا".

وأضافت سلوى عثمان أنها خشيت أن يتراجع زوجها في رأيه، وأكدت أنها تستشيره في أدائها بأعمالها، قائلة: "زوجي بيحب شغلي جدا، وهو راجل جميل ومحترم وبيكون سعيد جدا لما أعمل حاجة ناجحة، وبيقولي رأيه في أعمالي".

وعن الغيرة وعلاقتها به، قالت: "بغير على وزجي جدا بس مش الغيرة المريضة واحنا اصحاب جدا".

اقرأ أيضا: مفيدة شيحة تعلق على حضن كلوب لزوجة محمد صلاح: «مش بيفكر زي سواقين أوبر»